Julián Berrendero Gil , moteyáu "el negru de los güeyos azules", foi un ciclista español, profesional ente 1935 y 1949, periodu nel que llogró 79 victories ente les que destaquen dos trunfos absolutos y once victories d'etapa llograes na Vuelta a España, la etapa y la clasificación del monte llográu nel Tour de Francia, y tres trunfos nel Campeonatu d'España de ciclismu en ruta.
Yera tíu del tamién ex-ciclista profesional José Berrendero.
Biografía En 1932 foi'l vencedor del V.C. Portillo, carrera pa ciclistes de 3ª categoría y principiantes entamada pol Velo Club Portillo.
En 1935 foi'l vencedor de la Vuelta a Castiella, Vuelta a Galicia y el Gran Gran Premiu de Éibar, según terceru y primer español na Vuelta al País Vascu, ganada aquel añu pol campeonísimo italianu Gino Bartali.
En 1936 foi'l primer español na Vuelta a España, ganada pol belga Gustaaf Deloor, debutó nel Tour de Francia siendo'l Rei del Monte en la ronda gala na so primer participación. Julián impresionó de sobre manera al públicu francés pol so gran poderíu nel monte. Foi 15ᵘ nel Tour de Francia de 1937.
Mientres los años que duró la Guerra Civil Española, Berrendero moró en Francia, instalóse cerca de Pau y tuvo compitiendo nel equipu francés France-Sport con ensame de trunfos en carreres d'un día.
En 1937 corrió per segunda vegada'l Tour de Francia dando un auténticu recital d'escalador na 15ª etapa Luchon-Pau, xornada considerada la etapa reina del Tour, onde se xubíen los puertos del Peyresourde, Aspin, Tourmalet y Aubisque que Berrendero ganó con 2 minutos de ventaya sobre los sos rivales.
Cuando volvió a España, porque echaba de menos a la familia, al cruciar la frontera foi deteníu y unviáu un añu a un campu de concentración en Rota (Cádiz).
Dempués de la Guerra Civil, Julián retomó la bicicleta volviendo competir mientres dellos años. Destaquen los trunfos nes Vueltes a España de 1941 y 1942. Tamién foi 2ᵘ en 1945 y 1946, 4ᵘ en 1936 y 6ᵘ en 1947, vencedor del monte de la 1942 y 1945, trés campeonato d'España de fondu en carretera, dos veces campeón d'España de ciclocross, dos Volta a Cataluña, etc.
En 1948 apostando la Vuelta a España, tuvo que retirase pola murnia noticia del fallecimientu del so padre, conocíu nel mundu del ciclismu como "Tíu Martín".
Vuelve dempués al Tour de Francia y por una avería del so compañeru d'equipu Dalmacio Langarica, lleguen fuera de control y foi-yos retirada la llicencia a tol equipu polos federativos d'entós con estes pallabres: "Que fuelguen un añu".
El llamatu de "El Negru de los Güeyos Azules" ye por cuenta del so tez morica y del contraste colos sos güeyos claros.
Ta consideráu como unu de los meyores ciclistes españoles de tolos tiempos.
Tal yera la so afición al ciclismu que creó un taller de bicicletes col so bon amigu Macario Llorente nel quilómetru 8 de la carretera de Francia, onde güei día s'alza la Residencia Sanitaria "La Paz" (Madrid).
Poco dempués acomuñóse con Manuel Real y fundaron la tienda de bicicletes "Berrendero y Real", qu'inda güei esiste col nome de "Bicicletes Berrendero", que pasó a manes del so sobrín Juan Berrendero y que s'atopa na actualidá na Glorieta Xeneral Álvarez de Castru en Madrid.
Finó'l 1 d'agostu de 1995 en Madrid, a los 85 años, xusto dos díes depués de recibir un homenaxe nel "Circuitu de Getxo", que ganara en dos causes.
Dexó bien bones alcordances y como dixo un periodista francés: "Tien el más bellu estilu de tolos escaladores, viéndo-y engatar maravía y xube meyor cuanto más dura sía la rimada”.
Palmarés 1935 Vuelta a Galicia Vuelta a Castiella
1936 Clasificación del monte del Tour de Francia 20px GP República, más 3 etapes
1937 1 etapa del Tour de Francia
1941 Vuelta a España 20px y 2 etapes Vuelta a Navarra Circuitu de Getxo 3ᵘ nel Campeonatu d'España en Ruta 16px
1942 Vuelta a España 20px, más clasificación del monte 20px y 2 etapes Campeonatu d'España en Ruta 16px 20px Campeonatu d'España de Ciclocross 16px 20px 2ᵘ nel Campeonatu d'España de Monte 16px 2 etapes de la Volta a Cataluña1943 Campeonatu d'España en Ruta 16px 20px Volta a Cataluña, más 1 etapa Troféu Masferrer GP Vizcaya
1944 Campeonatu d'España en Ruta 16px 20px Campeonatu d'España de Ciclocross 16px 20px Clásica de los Puertos Circuitu de Getxo
1945 2 etapes na Vuelta a España, más clasificación del monte 20px 1 etapa del Circuitu del Norte
1946 Volta a Cataluña, más 1 etapa 3 etapes na Vuelta a España
1947 1 etapa na Vuelta a España Clásica de los Puertos
1948 3ᵘ nel Campeonatu d'España en Ruta 16px
1949 3ᵘ nel Campeonatu d'España en Ruta 16px
Resultaos en Grandes Vueltes y Campeonatu del Mundu Carrera1934193519361937193819391940194119421943194419451946194719481949Giro d'Italia-------XXXXX----Tour de Francia--11ᵘ15ᵘ29ᵘ-XXXXXXX--Ab.Vuelta a EspañaX-4ᵘXXXX1ᵘ1ᵘXX2ᵘ2ᵘ6ᵘAb.-Mundial en Ruta 24px-----XXXXXXX----
Referencies
Bibliografía Mis glorias y memorias Julián Berrendero. Pérez del Hoyo. 1949.
Enllaces esternos Páxina oficial de Julián Berrendero, la tienda y l'equipu ciclista del mesmu nome Palmarés de Julián Berrendero (Urtekaria)
Categoría:Ciclistes de la Comunidá de Madrid Categoría:Ganadores de la Vuelta a España Categoría:Ganadores d'etapa na Vuelta a España Categoría:Ganadores d'etapa nel Tour de Francia Categoría:Ciclistes de ciclocrós d'España