thumb|right|220px|Roche nuna contrarreló na temporada 1987 Stephen Roche ye un ex-ciclista que tuvo n'activu dende 1981 hasta 1993, nos que collechó 58 victories.
Carrera profesional Tuvo bones resultaos dende los sos principios. Nel so debú como profesional, ganó la París-Niza. N'años vinientes, el so ritmu nun aparraría, con bonos puestos en carreres de la Copa del Mundu, según nel Tour de Francia y una medaya d'oru nel Campeonatu del Mundu de ciclismu.
Tuvo un añu negru en 1986, productu d'una cayida, lo cual alloñó-y de la élite mientres tol añu. Sicasí, al añu siguiente, Stephen Roche goció del meyor añu de la so vida deportiva, venciendo nel Giro d'Italia y el Tour de Francia. El Tour de Francia 1987 foi particularmente apostáu, ensin el retiráu Bernard Hinault nin l'accidentáu Greg LeMond, el maillot mariellu pasó d'unes manes a otres ente diversos corredores de la talla de Charly Mottet, Jean Francois Bernard, Pedro Delgado y el mesmu Stephen Roche. Tres unes apasionantes etapes nos Alpes, especialmente la terminada en La Plagne onde precisó oxíxenu na meta, Stephen Roche terminó ganando gracies al so bon faer na llucha contra'l cronómetru, convirtiéndose nel únicu ciclista irlandés en vencer nel Tour de Francia, y nel quintu corredor en consiguir el doblete Giro-Tour nel mesmu añu.
Pero aquel añu, a Roche entá-y quedaba una última sorpresa, la victoria nel Campeonatu del Mundu, lo que-y convirtió nel segundu ciclista na historia (y hasta agora'l postreru), detrás d'Eddy Merckx, en consiguir la Triple Corona del ciclismu, esto ye, vencer el mesmu añu en Giro, Tour y Campeonatu del Mundu.
Tres tan brillosu añu, Stephen Roche non decayó, con bonos puestos y victories d'etapa en Giro y Tour y otres victories de diversa índole del calendariu profesional.
Retirar en 1993, convirtiéndose n'entrenador en Mallorca (España).
El so fíu Nicolas Roche tamién ye ciclista profesional,al igual que'l so sobrín Daniel Martin.
Cites Anque ye un oficiu bien duru, y dacuando bien cruel, el mio amor pola bicicleta permanez tan fuerte agora como cuando l'afayé per primer vegada. Toi convencíu qu'enforma tiempu dempués d'abandonar la mio carrera profesional, voi siguir montando en bicicleta. Nun quiero abandonar la mio bicicleta nunca. Veo al mio güelu, con 70 años y diendo en bicicleta a toes partes. Pa mi, eso ye maraviyosu. Y la bicicleta va ser siempres parte de la mio vida.
Palmarés thumb|right|Roche mientres una etapa del Tour de Francia 1993 1979 FBD Insurance Rás
1981 París-Niza, más 1 etapa 1 etapa del Tour de Córcega Étoile des Espoirs Tour d'Indre-et-Loire Tour de Corse
1983 1 etapa del Tour de Córcega Tour de Romandía G.P. de Wallonie París-Bourges Étoile des Espoirs 3ᵘ nel Campeonatu Mundial en Ruta 16px
1984 Tour de Romandía 1 etapa de la París-Niza Xubida a Arrate
1985 Critérium Internacional, más 1 etapa 2 etapes de la Dauphiné Libéré 2 etapes de la Vuelta a Irlanda 1 etapa de la París-Niza 3ᵘ del Tour de Francia, más 1 etapa Ruta del Sur1987 Campeonatu Mundial en Ruta 16px 20px Giro d'Italia 20px, más 2 etapes Tour de Francia 20px, más 1 etapa Vuelta a Valencia, más 1 etapa Tour de Romandía, más 2 etapes 1 etapa de la París-Niza Super Prestige Pernod International
1989 Vuelta al País Vascu, más 1 etapa 1 etapa de la París-Niza 1 etapa de los Cuatro díes de Dunkerque
1990 Cuatro díes de Dunkerque
1991 Selmana Catalana Critérium Internacional
1992 1 etapa del Tour de Francia
Resultaos en Grandes Vueltes y Campeonatos del Mundu Carrera1981198219831984198519861987198819891990199119921993Giro d'Italia-----Ab.1ᵘ-9ᵘ---9ᵘTour de Francia--13ᵘ25ᵘ3ᵘ48ᵘ1ᵘ-Ab.44ᵘAb.9ᵘ13ᵘVuelta a España-----------14ᵘ-Mundial en Ruta 24px61ᵘ32ᵘ3ᵘ-7ᵘ-1ᵘ75ᵘ--Ab.23ᵘAb.
-: nun participa Ab.: abandonu
Reconocencies Mendrisio d'Oru (1987)
Referencies
Enllaces esternos
Ficha de Stephen Roche a sitiodeciclismo.net Palmarés de Stephen Roche a memoire-du-cyclisme.eu
Categoría:Ciclistes d'Irlanda Categoría:Campeones del mundu de ciclismu Categoría:Ganadores del Giro d'Italia Categoría:Ganadores del Tour de Francia Categoría:Ganadores d'etapa nel Tour de Francia Categoría:Ganadores d'etapa nel Giro d'Italia