Mónica María Theresia "Monique" van de Ven (pronunciación holandesa: [moˈnik fɑn də ˈvɛn]); nacida'l 28 de xunetu de 1952 en Zeeland (Brabante del Norte) ye una actriz y direutora de cine neerlandesa. Trabayó colos principales direutores de cine del so país, como Paul Verhoeven, Fons Rademakers y Dick Maas.
Vida y carrera El so debú cinematográficu como actriz foi na película Turks Fruit (conocida tamién como Delicies turques y Turkish Delight) en 1973. Equí interpretó'l papel d'Olga Stapels y actuó xunto a Rutger Hauer. La película de Paul Verhoeven supunxo un gran ésitu, tuvo nomada pa un Óscar a la meyor película de fala non inglesa y foi escoyida como la meyor película holandesa del sieglu hasta aquel entós. Esti ésitu encimentó la carrera de l'actriz y dos años dempués volvió trabayar pa Verhoeven en Una novia llamada Katy Tippel, de nuevu xunto a Rutger Hauer; interpretó a una moza que se mueve a Ámsterdam xunto a la so aprobetada familia y vese obligada a dedicase a la prostitución.
Tuvo papeles d'estrella convidada nes series Starsky y Hutch y Remington Steele.
En 1986 tuvo unu de los papeles principales na película de Fons Rademakers L'asaltu, ganadora del Óscar a la meyor película de fala non inglesa y del Globu d'Oru. En 1988 interpretó'l papel de Laura en Amsterdamned: Misteriu nes canales, un thriller de Dick Maas nel qu'un asesín se vale del sistema de canales d'Ámsterdam.
Dende los años 90 tuvo dalgún tiempu estremada de l'actuación cinematográfica, pero siguió actuando en series de televisión holandeses y n'anuncios publicitarios. En 1996 dirixó'l curtiumetraxe Mama Proefkonijn (traducción inglesa: Mama's Guinea Pig); el so primer llargumetraxe como direutora foi Zomerhitte (Calor del branu), estrenáu en 2008.
Dende 1973 caltuvo una rellación col direutor de fotografía Jan de Bont, a quien conoció nel rodaxe de Turks fruit; casar en 1977 y permanecieron xuntos hasta 1988. Ta casada anguaño col actor, direutor y escritor Edwin de Vries. thumb|Monique van de Ven en 1988
Filmografía parcial Actriz
Turks fruit (1973) Dakota (1974) Way Out (1974) Keetje Tippel (1975) The Last Train (1975) Anita Drögemöller und dau Ruhe un der Ruhr (de) (1976) Doctor Vlimmen (1977) Inheritance (1978) Stunt Rock (1978) A Woman Like Eve (1979) Splitting Up (1979) Hoge hakken, echte liefde (1981) Breach of Contract (1982) Breathless (1982) Burning Love (1983)
The Scorpion (1984) L'asaltu (1986) A Month Later (1987) Iris (1987) Amsterdamned (1988) Paint It Black (1989) De Kassière (1989) Romeo (1990) The Man Inside (1990) Eline Vere (1991) The Johnsons (1992) Long Live the Queen (1995) De Bovenman (2001) The Discovery of Heaven (2001) Amazones (2004)
Direutora Mama Proefkonijn (1996) Summer Heat(2008)
Referencies
Otros proyeutos
Enllaces esternos
Categoría:Actores y actrices de cine de los Países Baxos Categoría:Direutores de cine de los Países Baxos Categoría:Direutores de cine de los Países Baxos Categoría:Actores y actrices de los Países Baxos
Categoría:Wikipedia:Mantenimientu:Persones ensin plantía nym