Máire Philomena Ní Bhraonáin , más conocida como Moya Brennan, ye una cantante irlandesa de música New age y celta, nacida en Gweedore, condáu de Donegal.
Enantes conocida como Máire Brennan, Moya pertenez al clan Brennan, que dio al mundu cantantes como les sos hermanes Enya, Bridin Brennan o los Clannad, onde empezaron Moya y la so hermana Enya.
La carrera musical de Clannad foi bien llonxeva, empezando nel 1972 na tabierna del so padre, xunto a dos de los sos tíos Noel y Padraig Duggan, y los sos hermanos Pol y Ciaran Brennan. Tiempu dempués xunióse Enya, qu'abandono'l grupu a mediaos de los 80. Moya siguió col so grupu percorriendo tol mundu, con un estilu entemez de Folclor, celta y pop, hasta qu'en 1998, col últimu discu publicáu por Clannad, consiguieron el Grammy (col so discu "Landmarks")
Pero Moya empezó la so carrera en solitario tando inda en Clannad, nel 1992, col so discu Maire, consiguiendo gran ésitu col so single "Against The Wind". Siguió la so carrera en solitario con "Misty Eyed Adventures" en 1994, "Perfect Time" en 1998, "Whisper To The Wild Water" en 1999.
Yá nel nuevu mileniu, Moya llanza lo que definió como'l so meyor trabayu, "Two Horizons" (2003), un gran amiestu d'estilos, consiguiendo un enorme ésitu y les allabancies de la crítica.
Tiempu dempués, llanza "An Irish Christmas" (2005/2006), un discu de villancicos, gran deséu de Moya, pos ye una muyer bien relixosa.
Anguaño promociona'l so últimu trabayu, "Heart Strings" (2008), y fixo una nueva xira ente payares y avientu de 2008 pa siguir promocionando'l so discu navidiegu, llevándola a distintos escenarios ya ilesies europees. Llueu volverá faer un nuevu proyeutu con Clannad.
Moya collaboró con numberosos artistes, tantu xunto a Clannad como en solitario, tales como Bono (U2), Delerium, Ronan Keating, Schiller.
Discos en solitario Máire, (1992) Misty Eyed Adventures, (1994) Perfect Time, (1998) Whisper To The Wild Water, (1999) New Irish Hymns, (2002) (con Joanne Hogg y Margaret Becker) Two Horizons, (2003) Óró - A Live Session, (2005) An Irish Christmas, (2005) Signature, (2006) Signature (Tour Edition) (2007) Heart Strings (2008) My Match Is A Makin''' (con Cormac de Barra) (2010)T with the Maggies (con T with the Maggies) (2010)Voices & Harps (con Cormac de Barra) (2011)Affinity'' (con Cormac de Barra) (2013)
Referencies
Enllaces esternos
Categoría:Cantautores d'Irlanda Categoría:Cantantes de folk Categoría:Cantantes n'irlandés Categoría:Productores discográficos d'Irlanda Categoría:Músicos y músiques de new age Categoría:Músicos y músiques celtes Categoría:Filántropos y filántropes Categoría:Ganadores del Premiu Emmy