Roswithka Bertasha Smid Honczar, conocida artísticamente como Nadiuska , ye una actriz que desenvolvió la mayor parte de la so carrera n'España.
Biografía De madre polaca y de padre rusu, llegó a Barcelona en 1971 y empezó a trabayar como modelu. El so saltu al cine llegó en 1972, debutando sol nome de "Nadiuska", muncho más fácil que'l so nome auténticu. En 1973 casóse con Fernando Montalbán Sánchez, chatarreru, col fin de llograr la nacionalidá española. Esti matrimoniu foi anuláu pol Tribunal de la Rota el 14 de xunetu de 1981. Participó en numberoses películes de gran ésitu, pero d'escasa calidá artística, sobre manera na dómina del destape. La so última interpretación asocedió en 1998. En 1978 protagonizó col capocómico arxentín Alberto Olmedo el filme humorísticu "La mio muyer nun ye la mio señora" y 1982 tuvo un curtiu papel especial en Conan the Barbarian, protagonizada por Arnold Schwarzenegger.
A finales de los 90 sufrió graves problemes económicos y empezó a carecer trestornos mentales, de cuenta qu'en 1999 foi tresllada de la pensión na que moraba al hospital psiquiátricu Alonso Vega, onde-y diagnosticaron esquizofrenia. Una vegada cumplíu'l so tratamientu con ameyoramientu, en 2002 diéron-y l'alta. Ensin poder recuperase económicamente, empezó a vagabundear per diverses zones de Madrid y nel programa de TVE presentáu por Concha Velasco "Tiempu al tiempu" rellataron la so murnia hestoria ensin llograr ayudar na midida de lo necesario. Mientres un tiempu tamién la vio abondo deteriorada físicamente en Guadalaxara, ingresando ellí nel Hospital Xeneral Universitariu.
Filmografía
Referencies
Enllaces esternos Pequeñu homenaxe a Nadiuska
Categoría:Actores y actrices d'Alemaña Categoría:Actores y actrices de cine d'España