Nafissatou Thiam ye una atleta belxicana. Ganó la competición d'heptatlón nos Xuegos Olímpicos de Rio de Janeiro 2016. El 3 de febreru de 2013, rompió'l récor mundial d'heptatlón femenín n'interior, sicasí, la marca nun foi ratificada por cuenta de que la prueba antidopaxe obligatoria nun pudo ser fecha a tiempu. Thiam, fía de madre belxicana y padre senegalés, ye miembru del RFCL, un club d'atletismu de Liexa, y ye entrenada por Roger Lespagnard. Amás, estudia xeografía na Universidá de Liexa. En 2017 l'Asociación Internacional de Federaciones d'Atletismu (IAAF) reconocióla como l'Atleta femenina del añu.
Carrera Nel Campeonatu Mundial Xuvenil d'Atletismu de 2011, celebráu en Lille (Francia), terminó nel cuartu llugar na competición d'heptatlón con un total de 5366 puntos. Al añu siguiente, nesi mesmu eventu, acabó nel catorceavu llugar del Campeonatu Xuvenil. El 3 de febreru de 2013, rompió'l récor mundial xuvenil de pentatlón n'interior nun alcuentru en Gante. Thiam llogró un total de 4558 puntos.
Sicasí, en marzu de 2013, la marca foi desaprobada, por cuenta de la falta d'una prueba antidopaxe nel día de la competición. La prueba realizóse al otru día, fora de la fecha llende. En xunetu d'esi añu, ganó la medaya d'oru en heptatlón nel Campeonatu Européu Xuvenil d'Atletismu, con un nuevu récor de Bélxica de 6298 puntos. El 13 d'agostu, ganó la competición d'heptatlón nos Xuegos Olímpicos de Rio de Janeiro 2016.
Resultaos Añu Competición Ciudá Clasificación Disciplina Marca2014Campeonatu Mundial en Pista Cubierta Zurich 3ªHeptatlón6423 puntos2015Campeonatu Européu en Pista Cubierta Praga 2ªPentatlón4696 puntosCampeonatu Mundial Beixín 6ªHeptatlón4688 puntos2016Xuegos OlímpicosRio de Janeiro1ªHeptatlón6810 puntos2017Campeonatu Européu en Pista Cubierta Belgráu 1ªPentatlón4870 puntos
Referencies
Enllaces esternos
Categoría:Atletes de Bélxica Categoría:Deportistes nos Xuegos Olímpicos de Rio de Janeiro 2016 Categoría:Medayistes olímpicos de Rio de Janeiro 2016 Categoría:Medayistes olímpicos d'oru Categoría:Medayistes olímpicos de Bélxica Categoría:Persones de Bruxeles Categoría:Medayistes olímpicos d'atletismu