Los escorpiones y rocotes, o escorpenas, son la familia Scorpaenidae de pexes incluyida nel orde Scorpaeniformes, con especies casi toes marines y delles rares d'agua duce, distribuyíos por tolos mares d'agües tropicales y templaes, dalgunos afáense bien a vivir n'acuariu. Apaecen per primer vegada nel rexistru fósil nel Paleocenu, mientres el Terciariu inferior.
Morfología Cuerpo estruyíu, la cabeza de normal con crestes y escayos; les escames, cuando tán presentes, de normal son ctenoides. De normal tienen una sola aleta dorsal, de cutiu entallada; les aletes dorsal, añal y coxales pueden llevar glándules de venenu; en dalgunos falta la vexiga natatoria, por vivir pegaos al fondu.
Hábitat y manera de vida La mayoría tienen fecundación interna, depositando delles especies los güevos en bolses xelatinoses; les bárabos que nacen d'ellos son planctónicas. Casi toos viven sobre'l fondu marín, onde s'alimenten de crustáceos y peces.
Importancia pal home La familia contién a los pexes más venenosos del mundu, munchos d'ellos llamativamente coloriaos; a pesar del peligru qu'esto representa, son precisamente los más usaos en acuariología pola so guapura, onde s'aclimaten bien a la vida en cautividá, anque son difíciles de caltener pos dalgunos riquen alimentu vivo.
Xéneros Según FishBase esisten alredor de 200 especies, arrexuntaes nos siguientes xéneros:
Subfamilia Caracanthinae Gill, 1885, antes como familia Caracanthidae: Caracanthus Krøyer, 1845
Subfamilia Pteroinae Kaup, 1873, que tienen llargues y vistosos escayos nes aletes xunto con colores rayaos, too ello pa ser vistos a manera d'alvertencia: Brachypterois (Fowler 1938) Dendrochirus (Swainson 1839) Ebosia (Jordan y Starks 1904) Parapterois (Bleeker 1876) Pterois (Oken 1817)
Subfamilia Scorpaeninae Risso, 1827, que tienen numberosos allongamientos y colores de camuflaxe pa nun ser vistos: Hipposcorpaena Fowler, 1938 Hoplosebastes (Schmidt 1929) Idiastion (Eschmeyer 1965) Iracundus (Jordan y Evermann 1903) Neomerinthe (Fowler 1935) Neoscorpaena (Mandrytsa 2001) Parascorpaena (Bleeker 1876) Phenacoscorpius (Fowler 1938) Pogonoscorpius (Regan 1908) Pontinus (Poey 1860) Pteroidichthys (Bleeker 1856) Rhinopias (Gill 1905) Scorpaena (Linnaeus 1758) Scorpaenodes (Bleeker 1857) Scorpaenopsis (Heckel 1837) Sebastapistes (Gill 1877) Taenianotus (Lacepède 1802) Thysanichthys (Jordan y Starks 1904) Ursinoscorpaenopsis (Nakabo y Yamada 1996)
Según ITIS, la familia Sebastidae nun ye válida, tien d'encuadrase dientro de la familia Scorpaenidae como subfamilia Sebastolobinae.
Amás esisten xéneros fósiles:Scorpaenidae en Fossilworks PaleoDB. † Rhomarchus Jordan & Gilbert 1919 † Sebastavus Jordan & Gilbert 1919 † Sebastodes Gill 1861
Imáxenes
Referencies
Enllaces esternos
Categoría:Families de pexes