Hugo Fernández Faingold foi un políticu, embaxador y profesor uruguayu, Vicepresidente de la República ente 1998 y 2000.
Biografía Nació en Montevidéu y cursó estudios nel país y nel esterior. Fíu mayor de Julia Faingold y del profesor Hugo Fernández Artucio.
Perteneciente al Partíu Coloráu, en 1985 foi designáu pol presidente Julio María Sanguinetti Ministru de Trabayu, cargu qu'ocupó mientres cuatro años, hasta 1989.
Esi añu, cuando Jorge Batlle ganó nes eleiciones internes de la Llista 15 a Enrique Tarigo, Vicepresidente y delfín políticu de Sanguinetti, Fernández Faingold presentó la so propia candidatura presidencial, alliniada col presidente saliente, llogrando una votación bien amenorgada na eleición celebrada'l 26 de payares de 1989.
En 1994 foi eleutu senador pol Foru Batllista, como segundu senador de dichu sector. Desempeñó esi cargu hasta 1998, cuando tuvo d'asumir la Vicepresidencia de la República ante'l fallecimientu del so titular, Hugo Batalla, asocedíu n'ochobre d'esi añu.
Nesi mesmu 1998, compitió nuna eleición interna del Foru Batllista pa escoyer al precandidatu presidencial del sector pa les internes d'abril de 1999, siendo derrotáu por Luis Hierro López.
En 1999 resultó eleutu senador pol Foru Batllista, pero arrenunció a la banca en 2000, depués d'ocupala mientres poques selmanes, p'asumir como embaxador uruguayu n'Estaos Xuníos, cargu qu'ocupó hasta 2005.
Referencies
Enllaces esternos
Categoría:Persones de Montevidéu Categoría:Políticos y polítiques d'Uruguái Categoría:Ministros y ministres d'Uruguái Categoría:Vicepresidentes d'Uruguái Categoría:Senadores d'Uruguái Categoría:Profesores d'Uruguái Categoría:Embaxadores d'Uruguái