Les Guayanes: rexón natural allugada al nordeste d'América del Sur, na estaya comprendida ente los ríos Orinoco y Amazones, la so principal carauterística xeolóxica ye'l Macizu Guayanés.
Políticamente l'área ta dixebrada ente dellos Países y Dependencies coloniales, éstes son:
Guayana Venezolana, que conforma la rexón natural más estensa de Venezuela, y qu'ocupa la metada de la so superficie (casi mediu millón de quilómetros cuadraos). Antiguamente conocida como Guayana Española (foi una colonia española). Guyana, república independiente, ex Guayana Británica (foi una colonia británica). Surinam, república independiente, ex Guayana Holandesa (foi una colonia neerlandesa). Guyana Francesa, un departamentu francés d'ultramar (entá ye una colonia francesa). Guayana Brasilana, rexón brasilana, anguaño conocida como Guayana Portuguesa (foi una colonia portuguesa). Guayana Esequiba, parte del territoriu de Guyana reclamáu por Venezuela.
Incluyendo los territorios brasilanos y venezolanos, les llendes xeográfiques de les Guayanes son l'Océanu Atlánticu al noreste, el ríu Orinoco al noroeste, el ríu Amazones al sureste y el Río Negro al suroeste, abarcando en total un área de más de 1.500.000 km².
L'Escudu Guayanés, una formación xeológica, al noreste d'América del Sur, que s'estiende pela mayor parte de Guyana, Surinam, norte de Guyana Francesa, sur de Venezuela, y una pequeña estaya del norte de Brasil.
Referencies
Enllaces esternos
Categoría:Xeografía d'América del Sur