Carlos Ozores Typaldos foi un políticu y diplomáticu panamiegu. Fungió como dos veces Vicepresidente de Panamá mientres unos meses en 1984 y 1989.
Los sos padres fueron l'escritor Renato Ozores y Rita Irene Typaldos Duque. Dempués de graduase en Derechu, llogró un doctoráu en Lleis Internacionales n'Italia. Tornó a Panamá en 1969 y al añu siguiente empezó la so carrera diplomática como vicecanciller y depués como ministru de rellaciones esteriores.
Foi unu de los negociadores de los Trataos Torrijos-Carter, roblaos el 7 de setiembre de 1977 y que garantizaba a Panamá'l control de la Canal de Panamá a partir de 1999.
En 1981 robló xunto col so contraparte de Colombia Diego Uribe Vargas el Tratáu de Montería, que dio a Colombia derechos sobre la canal. Foi nomáu embaxador ante les Naciones Xuníes dende 1981 hasta 1983, y en payares de 1982 foi nomáu Presidente del Conseyu de Seguridá de les Naciones Xuníes.
De volao, foi nomáu ministru de gobiernu y depués primer vicepresidente de Panamá en 1984. Darréu, volvió a la carrera diplomática como embaxador de Panamá n'España, Canadá y depués d'un periodu curtiu d'inactividá, en Colombia. En 1989, nes acabadures de la dictadura militar nuevamente asumió'l cargu de vicepresidente.
Foi secretariu del Partíu Revolucionariu Democráticu (PRD) y subdireutor del periódicu La Estrella de Panamá na década de 1980.
Referencies
Categoría:Vicepresidentes de Panamá Categoría:Diplomáticos y diplomátiques de Panamá Categoría:Embaxadores de Panamá Categoría:Políticos y polítiques del Partíu Revolucionariu Democráticu