Ella Orr Campbell foi una botánica, brióloga, y algóloga neozelandesa.
Primeros años y educación Campbell yera aborixe de Dunedin, Nueva Zelanda, la so madre Agnes Kinder y el so padre Orr. La so madre estudió farmacia na Universidá d'Otago y la so tía materna, Jane, foi una de les primeres cuatro muyeres en Nueva Zelanda en graduase como médica. Esti interés pola ciencia y la botánica demostró una influencia duradera en Campbell.
Asistió a la guardería llocal, y depués la primaria en George St, depués la media n'Otago Girls High School. Una vegada ellí, el so interés na botánica foi impulsáu por una amiga de la familia y botánica Helen Kirkland Dalrymple. Tamién atribuyó'l so interés botánicu a caminar col so padre cuando neña.
Educación En 1929, empezó un cursu d'enseñanza de dos años nel Dunedin Training College, estudiando de manera conxunta na Universidá d'Otago, au s'inscribiera nos primeros cursos d'artes, en 1928. Llogró'l so Diploma en Docencia en 1930. En 1931 tornó a la Universidá d' Otago, au se xunió al Departamentu de Botánica pa estudiar xunto con John Ernest Holloway amestando xeoloxía, química, y botánica a los sos títulos más tempranos d'artes. thumb|Felechu Histiopteris incisa thumb|Xamasca d'Equisetum arvense Depués graduóse con un M.Sc. en 1934. La so tesis foi la fonte de la so primer publicación espublizada en Transactions of the Royal Society of New Zealand en 1936 – "The embryo and stelar development of Histiopteris incisa".
Carrera En graduándose, enseñó en Waitaki Girls' School d'Oamaru per un añu y depués convirtióse en profesora ayudante de botánica na Universidá Victoria en Wellington. Al añu siguiente tornó a la Universidá d'Otago, agora trabayando xunto a Holloway, onde permaneció hasta 1944. Deprendió alemán, y yera lo suficientemente fluyíu como pa dar clases nel Xardín Botánicu de Berlín.
Foi la primer muyer nel staff de la Facultá de Massey Agricultural (güei Massey University) al xunise al Departamentu de Botánica Agrícola en 1945. Daba clases de morfoloxía vexetal y d'anatomía; faciendo escursiones d'investigación a Himatangi Beach, islla de Kapiti, y al Parque Nacional de Tongariro. Los sos proyeutos d'investigación incluyeron estudios rellacionaos coles micorrices d'orquídees y morfoloxía y taxonomía de les hepátiques taloses. Foi coautora del testu Agricultural Botany (primer espublización de 1954; 2ª ed. 1960 y más apocayá reimpresu en 1997)
Pal so 80º nataliciu espublizáronse munchos artículos académicos sobre hepátiques (37), orquídees (14), güelgues (5), otros tópicos (10). Campbell tamién escribió artículos de sonadía internacional sobre les "asociaciones de micorrices d'achlorophyllous micotrófica orquídees terrestres de Nueva Zelanda, Gastrodia cunninghamii, G. aff. Sesamoides, G. minor, Molloybas Cryptanthus y Danhatchia australis". Siguió con investigaciones y espublizó como investigadora asociada mientres más de dos décaes, y retiróse en 2000 a los 90.
Referencies
Enllaces esternos
Categoría:Botánicos y botániques de Nueva Zelanda Categoría:Algólogos y algólogues de Nueva Zelanda Categoría:Briólogos y briólogues de Nueva Zelanda Categoría:Curadores de Nueva Zelanda Categoría:Profesores de Nueva Zelanda Categoría:Escritores de Nueva Zelanda Categoría:Escritores n'inglés