Flora de Pablo Dávila ye una doctora en medicina española, especialista en bioloxía celular y molecular.
Biografía En 1975 llicencióse en Medicina y diplomóse en Psicoloxía pola Universidá de Salamanca, ente 1976 y 1979 foi médica interna residente (MIR) y becaria predoctoral del Departamentu de Patoloxía Xeneral, Seición d'Endocrinoloxía, del Hospital Clínicu, de la Universidá de Salamanca au se doctoró en Medicina Interna y Endocrinoloxía. Trabayó mientres 10 años n'Estaos Xuníos, primero como becaria postdoctoral (1980-1982) y depués como investigadora (1984-1991 y 1995-1996) nos National Institutes of Health (Bethesda) y nel Institutu de Teunoloxía de California (Caltech, Pasadena). Nel periodu 1982-1984 foi Facultativu Axuntu, del Serviciu d'Endocrinoloxía del Hospital de la Santa Cruz y San Pablo de Barcelona, al que siguió venceyada cola supervisión de proyeutos d'investigación hasta 1989.
Nel añu 1991 tornó a España como Investigadora Científica del Centru d'Investigaciones Biolóxiques (CIB) del Conseyu Cimeru d'Investigaciones Científiques (CSIC) en Madrid. Ente 2007 y 2008 foi Direutora Xeneral del Institutu de Salú Carlos III. Na actualidá ye Profesora d'Investigación del (CSIC) nel Departamentu de Medicina Celular y Molecular del CIB.
En 2001 foi una de los fundadores de l'Asociación de Muyeres Investigadores y Teunólogues de la que foi la so primer presidenta (2001-2007).Presentación AMIT. Universidad Pablo de Olavide De cutiu manifestó la so esmolición pola falta de reconocencia del trabayu de les muyeres nos ámbitos científicu y teunolóxicu, según la so poca presencia nos puestos relevantes y en tomar de decisiones, y asina lo fixo públicu na prensa y en dellos artículos de divulgación.
Investigación En 1991 creó'l grupu d'investigación Factores de Crecedera nel Desarrollu de Vertebraos, qu'en 2007 pasó a llamase Llaboratoriu 3D: desenvolvimientu, diferenciación, dexeneración. La so investigación tuvo siempres rellacionada cola bioloxía celular y molecular, el desenvolvimientu embrionariu, insulina y factores de crecedera, según con neuroxénesis. Nel grupu que dirixe estudióse especialmente'l papel de la Proinsulina/insulina nel desenvolvimientu del sistema nerviosu central, encetando los problemes biolóxicos básicos en sistemes modelu del desenvolvimientu, coles mires d'entender los mecanismos que subxacen a la formación de dellos texíos. Utilizando dellos vertebraos (pollu, mure) y célules pluripotentes, estudien los mecanismos fisiolóxicos de regulación de la proliferación, la diferenciación, la competición y la muerte celulares, según la so desregulación en situaciones patolóxiques. En particular, plantegaron la posible tresllación biomédica de les sos observaciones en modelos de dexeneración del sistema nerviosu, incluyendo dexeneraciones retinianes y, más apocayá, la enfermedá d'Alzheimer.
Flora de Pablo, xuntamente con miembros del grupu que lidera, fundó la empresa de base teunolóxica Proretina Therapeutics constituyida en Madrid en xunetu de 2007, spin-off del CIB, en collaboración coles Universidaes de Barcelona y Alcalá de Henares, que ta desenvolviendo una posible terapia aplicable en clínica.
Premios y reconocencies 2001: VIII Premiu de Divulgación Feminista Carmen de Burgos, pol artículu Muyer y Ciencia dende la Europa del Sur dau pola Asociación d'Estudios Históricos sobre la Muyer y la Universidá de Málaga. 2003: Académica Correspondiente de la Real Academia Nacional de Farmacia. 2006-2007: Coordinadora de Programes de la Fundación Alicia Koplowitz. 2007-2009: SET-Routes University Ambassador (Programa EU coordináu pol European Molecular Biology Laboratory (EMBL). 2011 y 2012: Escoyida ente «Las 100 Top Mujeres Líderes en España». 2013: Premiada na XIV Edición de los Premios Ana Tutor.
Publicaciones Ye coautora de más de 130 artículos d'investigación publicaos en revistes de reconocíu prestíu siendo los más relevantes: Insulin is present in chicken eggs and early chick embryos. Receptor genes for insulin and insulin- like growth factor I are differentially expressed in Xenopus oocyte and embryos The developing CNS: a scenario for the action of proinsulin, insulin and insulin-like growth factors Upstream AUGs in embryonic proinsulin mRNA control its low translation level Modulation of the PI3Kinase/Akt signalling pathway by IGF-I and PTEN regulates the differentiation of neural stem/precursor cells
Referencies
Enllaces esternos Asociación d'Estudios Históricos sobre la Muyer Centru d'Investigaciones Biolóxiques Asociación de Muyeres Investigadores y Tecnólogues Sociedá Española d'Endocrinoloxía y Nutrición Proretina Therapeutics European Molecular Biology Laboratory (EMBL) Les 100 Top Muyeres Líderes n'España
Categoría:Persones de Salamanca Categoría:Científicos y científiques d'España