Mary Elizabeth Parsons foi una botánica y l'autora d'una pionera guía refecha sobre les flores selvaxes de California.
Biografía Mary Elizabeth Parsons nació en Chicago, Illinois, en 1859. Estudió Arte en San Francisco na década de 1890, onde Alice Brown Chittenden foi la so compañera de dibuxu.
Na década de 1890, Parsons foi a esplorar la comarca de California cola artista botánica Margaret Warriner Buck, cola idea de publicar un llibru sobre la flora de California. La resultancia foi'l bien esitosu Les Flores Selvaxes de California: Los sos Nomes, Llugares, y Vezos (n'inglés, The Wild Flowers of California: Their Names, Haunts, and Habits, 1897), escritu por Parsons con más de 100 ilustraciones grabaes de Buck. El llibru tuvo munches impresiones y delles ediciones, ya inda siguía siendo reimprimido na década de 1950.
Parsons pretendía que'l so llibru complementara al bien esitosu llibru de Frances Theodora Parsons Cómo conocer les Flores Selvaxes (How to Know the Wild Flowers, 1893) al resaltar plantes que yeren desconocíes nel este d'Estaos Xuníos, onde vivía Parsons. Col permisu de Parsons, utilizó'l mesmu esquema d'ordenar les flores por color. La botánica Alice Eastwood y l'horticultor Carl Purdy sirvieron como asesores del proyeutu.
Pa la edición de 1906, foi necesariu crear una sustitución de les plaques d'impresión cuando les que yá esistíen fueron destruyíes debíu al terremotu de San Francisco. Esta edición foi imprimida en delles versiones, una de les cualos tenía les ilustraciones impreses bien llixeramente de cuenta que podíen ser coloriaes a mano dempués pol comprador.
Parsons finó en Kentfield, California, en 1947.
Notes y referencies
Categoría:Botánicos y botániques d'Estaos Xuníos Categoría:Persones de Chicago