Un dígrafu ye un grupu de dos lletres que representen un mesmu soníu. Dalgunos d'estos dígrafos correspuenden a un soníu que nun ta representáu por una sola lletra nel idioma correspondiente.
N'asturianu los dígrafos que correspuenden a soníos non representaos por una lletra individual son: «ch» pal fonema /t͡ʃ/; «ll» pal fonema /ʎ/; «qu» y «gu», entrambos delantre de «e» y de «i», pa los fonemes /k/ y /ɣ/ respeutivamente; «rr», que solo apaez ente vocales, pal fonema /r/.
Los soníos d'estos tres postreros dígrafos tamién se representen por lletres simples, respeutivamente «c» (y nunos pocos de casos «k»), «g» y «r».
Hai qu'añader tamién trés dígrafos d'usu dialeutal, que son: «ḷḷ» pa la realización [ʈʂ] (y otres) del fonema /ʎ/; «ts» pa la realización [t͡s] del fonema /t͡ʃ/; «yy» pa la realización [kɟ] del fonema /ʝ/.
El soníu de la lletra «ñ» represéntase n'otros idiomes como un dígrafu («nh» en portugués y n'occitanu, «ny» en catalán y n'húngaru, o «gn» en francés y n'italianu).
La llingua con mayor númberu de dígrafos n'España ye'l catalán con más de diez (el númberu esautu depende del dialeutu del catalán usáu).
Referencies
Enllaces esternos
Categoría:Gramática