Salome Gluecksohn-Schoenheimer foi una embrióloga alemana, considerada una de los fundadores de la xenética del desenvolvimientu.
Biografía Estudió química y zooloxía en Königsberg y Berlín. En 1928 entró nel Llaboratoriu de Hans Spemann como estudiante de doctoráu. Ellí conoció a Viktor Hamburger, quien lu introdució a la naciente ciencia de la xenética y a Conrad Hal Waddington, con quien trabó una gran amistá.
En 1933, Gluecksohn-Schoenheimer emigró xunto al so home a los Estaos Xuníos, fuxendo de la ocupación nazi. El mesmu añu emigraron tamién Hamburger y Curt Stern y, más tarde, Richard Goldschmidt.
N'Estaos Xuníos, Gluecksohn-Schoenheimer empezó a trabayar como téunica nel llaboratoriu de Samuel Detwiler, pero llueu abandonó esti puestu pa incorporase al llaboratoriu del xenetista Leslie C. Dunn, que taba trabayando sobre mutaciones xenétiques en mures que paecíen ser responsables de malformaciones rellacionaes cola exa corporal. Na introducción al so primer artículu sobre los mures ensin cola, Gluecksohn-Schoenheimer presentó'l primer manifiestu programáticu de la futura xenética del desenvolvimientu, estremándola de la embrioloxía esperimental.
A partir d'entós, la so investigación foise centrando progresivamente nel papel de los xenes nel desenvolvimientu. Sicasí, hasta mediaos de los años setenta nun tuvieron disponibles les téuniques moleculares que fixeron posible la fundación de la moderna xenética del desenvolvimientu.
Bibliografía Gluecksohn-Schoenheimer, S. 1938. The development of two tailless mutants in the house mouse, Genetics 23: 573-584 Gluecksohn-Schoenheimer, S. 1940. The effect of an early lethal (to) in the house mouse, Genetics 25: 391-400 Gluecksohn-Schoenheimer, S. 1949. The effects of a lethal mutation responsible for duplications & twinning in mouse embryos, J. Exp. Zool. 110: 47-76 Gluecksohn-Schoenheimer, S. 1945. The embryonic development of mutants of the Sd-strain of mice, Genetics 30: 29-38
Referencies
Enllaces esternos
Gilbert, S. "Induction and the Origin of Developmental Genetics"
Categoría:Científicos y científiques d'Alemaña Categoría:Embriólogos y embriólogues Categoría:Xenetistes