José Posada Herrera foi un xurista y políticu español, presidente del Conseyu de Ministros ente 1883 y 1884.
Biografía Nació nel senu d'una noble familia llanisca formada por Blas Alejandro de Posada Castillo y Josefa d'Herrera Sánchez de Tagle.
Estudió Derechu y Economía y foi profesor de la mesma na Universidá d'Uviéu en 1838. Catedráticu de la Escuela especial d'Alministración (1843). Miembru de la Real Academia de Ciencies Morales y Polítiques (1857) y de Xurisprudencia y Llexislación (1864) y presidente del Atenéu de Madrid. A partir del añu 1839 empecipia una intensa actividá política que lo convierte nun testigu y protagonista escepcional de la so solmenada dómina. Mientres el periodu entendíu ente 1839-1841 foi diputáu pol Partíu Progresista y a partir de 1842 ingresó nes files del Partíu Moderáu, combatiendo con durez al so antiguu compañeru Salustiano Olózaga y collaboró cola cayida d'Espartero y de la Rexencia, destacando sicasí pola so independencia como parllamentariu.
Intervieno na redaición de les Constituciones de 1869 y 1876, aportando a escoyíu por unanimidá presidente del Congresu de los Diputaos en 1876. Ocupó otros importantes cargos políticos como miembru del Conseyu Real, presidente del Conseyu d'Estáu (1881), embaxador ante la Santa Sede en Roma (1868), ministru de Gobernación en 1858 y 1865 —en gobiernos presidíos por Francisco Javier de Istúriz y Leopoldo O'Donnell— y presidente del Conseyu de Ministros en 1883 —agora perteneciendo a Izquierda Dinástica—. Tamién foi presidente de la Real Academia de Xurisprudencia y Llexislación (1864-65) y del Atenéu de Madrid (1865-68).Presidentes Presidentes del Atenéu de Madrid.
Cuando yera ministru de la Gobernación foi denomináu "el gran eleutor", dada la falta d'escupulicios y habilidá por qu'en les eleición caltuviera'l control gubernamental de el resultáu, dándo-y la victoria.Gran Enciclopedia Larousse, ISBN 84-320-7370-9. Entrada de "Gobernación, ministeriu de la".
Dientro de la so obra como xurista atopen los cuatro volúmenes de Lleiciones d'Alministración (1843), reeditaos los trés primeros pol Institutu Nacional d'Alministración Pública en 1978 y el cuartu —que se creía perdíu y dedicáu a la beneficencia pública— pol Serviciu de Publicaciones de la Universidá d'Uviéu en 1995, gracies a la investigación de Francisco Sosa Wagner, catedráticu de Derechu Alministrativu na Universidá de Lleón, sobre Posada, a quien considera'l padre del Derechu Públicu n'España y sobre el qu'escribió dos recién obres: Posada Herrera, actor y testigu del sieglu XIX (1995) y La construcción del Estáu y del Derechu Alministrativu: ideariu xurídicu-políticu de Posada Herrera (2001).
Referencies
Enllaces esternos
Rellación histórica de Presidentes del Conseyu de Ministros y del Gobiernu. Presidencia del Gobiernu d'España.
Categoría:Diputaos y diputaes d'España Categoría:Diputaos pol distritu eleutoral de Cartaxena Categoría:Presidentes del Congresu de los Diputaos mientres la Restauración Categoría:Xuristes d'España Categoría:Profesores de la Universidá d'Uviéu Categoría:Ministros y ministres d'Interior d'España Categoría:Presidentes del Conseyu de Ministros del reináu d'Alfonso XII Categoría:Políticos y polítiques d'Asturies Categoría:Persones de Llanes Categoría:Políticos y polítiques del Partíu Moderáu mientres el reináu de Sabela II Categoría:Políticos y polítiques de la Unión Lliberal Categoría:Ateneístes Categoría:Presidentes del Conseyu d'Estáu d'España