La sablera de Las Arreas ye una sablera asitiada nel occidente del Principáu d'Asturies, nel conceyu de Valdés y ta asitiada na llocalidá de Ḷḷuarca. Forma parte de la Mariña Occidental d'Asturies y ta enmarcada nel Paisaxe Protexíu de la Mariña Occidental d'Asturies, presentando catalogación como Paisaxe protexíu, ZEPA, LIC. Descripción Tien forma de concha, el llargor mediu ye d'unos 200 m y un anchor medio d'unos 15 m. La so redolada ye urbana, con un grau d'urbanización y una peligrosidá altos. L'accesu peonil ye d'unos quinientos m de llargor. El llechu ye de sable de granu escuru y tamañu mediu.
La sablera ta cerca de les llocalidaes de Ḷḷuarca y Villar y p'aportar a ella hai que coyer la carretera que va a la punta de la Talaya», llugar nel que ta la ilesia de Ḷḷuarca, el campusantu y el faru. Frente a estos llugares hai unes cases bien peculiares, totalmente en cantu del cantil, que recuerden a les cases colgantes de Cuenca. Esta zona ta protexida na so parte este oriental pola punta Focicón». So estes cases ta la sablera de Las Arreas. A ella lleguen agües residuales y una desaguada fluvial que realmente ye la de dos emisores d'arramaos urbanos. La baxada ye bien peligrosa y difícil.
Referencies
Sablera de Las Arreas Categoría:Espacios naturales d'Asturies