Acisclo Fernández Vallín Bustillo foi un científicu y caderalgu d'Asturies, n'España.
Biografía Yera fíu d'Alonso Fernández Vallín, profesor del Real Institutu Asturianu, y María Suárez Bustillo. Estudio Cálculu y Náutica nel Real Institutu Asturianu, pasando depués a la Universidá d'Uviéu, onde se doctoró en Ciencies. Foi, de 1847 a 1850, catedráticu del Institutu de Segunda Enseñanza de Valladolid, d'onde pasó, desempeñando la mesma cátedra, al Institutu Cardenal Cisneros, en Madrid, del que foi direutor mientres munchos años. Casáu con Laureana González Soubrié, de que'l so matrimoniu nun tuvo descendencia.
Perteneció a les Reales Academies de la Historia y de Ciencies Exactes, Físiques y Naturales. Foi Conseyeru d'Instrucción Pública y formó parte de la Xunta Cimera d'Enseñanza y de la d'Estadística. Tuvo una actuación de gran resonancia internacional al salir en defensa de les realidaes españoles, refutando los errores qu'en materia d'enseñanza contenía'l gran mapa mural de M. Manier, na Esposición Universal de París de 1867.
Foi presidente del Centru Asturianu de Madrid. A les sos xestiones nel Conseyu Cimeru d'Instrucción debe la creación y dotación de munches escueles del país, como la d'Artes y Oficios de Xixón, entós aneja al Institutu. Contribuyó a que se-y alzara una estatua a Xovellanos en Xixón. A la so muerte dexó un legáu pa la fundación y sostenimientu d'un asilu - colexu pa neñes güérfanes denomináu Santa Laureana, en Somió, nes cercaníes de Xixón.
Publicó, ente otres obres, un llibru tituláu La Educación popular n'España, del que se fixeron ediciones en delles llingües, según numberosos títulos destinaos a la enseñanza de les matemátiques. Como historiador, escribió la obra Cultura científica n'España nel sieglu XVI. El so Xeografía, Matemática o Elementos de Cosmografía foi mientres munchos años llibru de testu n'escueles especiales civiles y militares.
Referencies
Enllaces esternos
Fernández Vallín y Bustillo, Acisclo Acisclo Fernández Vallín (Conseyeru d'Instrucción Pública), por Agustín Guzmán Sancho, Xixón 1994
Categoría:Científicos y científiques d'Asturies Categoría:Persones de Xixón Categoría:Académicos de les Ciencies