Alejandro Fernández Sordo foi un políticu asturianu, conocíu pol so papel na Dictadura franquista. A lo llargo de la so carrera exerció los cargos de Delegáu provincial d'Información y Turismu, Delegáu Nacional de Prensa, Propaganda y Radio del Movimientu y Ministru de Rellaciones Sindicales.
Biografía Nacíu n'Uviéu'l 4 de setiembre de 1921, foi'l fundador del Sindicatu Español Universitariu (SEU) de Falanxe n'Asturies; escontra'l final de la Guerra civil yera teniente de complementu na Milicia Universitaria. Al acabar la guerra realizó estudios de Derechu pola Universidá d'Uviéu, llicenciándose con premiu estraordinariu. Nesta universidá sería profesor de derechu alministrativu y derechu sindical.
Darréu, ingresó por oposición nel cuerpu de delegaos provinciales del Ministeriu d'Información y Turismu, siendo destináu a Asturies como delegáu provincial. En 1965 foi nomáu Delegáu nacional de Prensa, Propaganda y Radio del Movimientu, cargu que caltuvo hasta qu'en payares de 1969 foi nomáu direutor xeneral de Prensa. Tamién asumió la presidencia del Sindicatu nacional de prensa, radio, televisión y publicidá. Tamién aportó a conceyal del Conceyu d'Uviéu, según procurador nes Cortes franquistes y miembru del Conseyu Nacional del Movimientu.
Dada la so condición de funcionariu de los Sindicatos Verticales, en xineru de 1974 foi nomáu Ministru de Rellaciones Sindicales. Tuvo al frente del ministeriu ente xineru de 1974 y avientu de 1975. Fernández Sordo lideró al sector más derechiegu del gobiernu que bloquió la propuesta que pretendía introducir una forma llindada de derechu a la fuelga. Esta oposición provocó la dimisión automática del ministru de Trabayu, Licinio de la Fuente.
Cesó como ministru tres la muerte de Franco, dempués de lo que retiróse de la vida pública.
Familia Casóse con María de la Concepción Cabal Vega, cola que tuvo cinco fíos.
Reconocencies Gran cruz de la Orde de Cisneros al méritu políticu Comendador de la Orde del Méritu Civil Comendador de la Orde d'Isabel la Católica
Bibliografía
Notes
Referencies
Enllaces esternos
Categoría:Persones d'Uviéu Categoría:Ministros y ministres del franquismu Categoría:Procuradores de les Cortes franquistes Categoría:Miembros de FET y de les JONS Categoría:Delegaos nacionales de Prensa y Propaganda Categoría:Miembros del Sindicatu Español Universitariu Categoría:Ministros y ministres de Rellaciones Sindicales Categoría:Alumnáu de la Universidá d'Uviéu