Luis Ricardo Alonso foi un novelista asturcubanu.
Biografía Fíu de padre español y madre cubana, emigró a Cuba de neñu cola so familia. Estudió Derechu y Periodismu en L'Habana, onde s'afilió al Partíu del Pueblu Cubanu. Collaboró cola revista Bohemia, opositora del réxime de Fulgencio Batista.Cuervo (2015). Partidariu de la revolución cubana, participó na llucha clandestina y nel derrocamientu del dictador. Ocupó cargos importantes nel nuevu réxime de Fidel Castro: foi xefe de despachu del Ministeriu d'Educación y embaxador en Perú, Noruega, Suiza y Gran Bretaña. Finalmente, rompió en 1965 col réxime comunista ya instalóse n'Estaos Xuníos. Mientres munchos años foi profesor de Lliteratura Española nel Franklin and Marshall College de Lancaster (Estaos Xuníos) ciudá onde morrió en 2015 a los 86 años.Cuervo (2009).
Noveles La so obra narrativa foi publicada n'España pola editorial Destino y por Madú Ediciones. Territorio libre (1966) El candidato (1970, Finalista del Premiu Nadal en 1969) Los dioses ajenos (1971) El palacio y la furia (1976) El Supremísimo (1981) La estrella que cayó una noche en el mar (1995, premiu Asturies de novela). La segunda muerte de Cristo (2007)
Referencies CUERVO, Javier: «Luis Ricardo Alonso, escritor asturcubano, muere en EE UU a los 86 años», La Nueva España, 29 d'ochobre de 2015. CUERVO, Javier: «», La Nueva España, 13 de setiembre de 2009. VELASCO, Cristian: «Luis Ricardo Alonso... con quien tanto quería», La Nueva España, 31 d'ochobre de 2015.
Referencies
Categoría:Persones de Parres Categoría:Escritores d'Asturies Categoría:Escritores de Cuba Categoría:Escritores en castellanu