Manuel Díez-Alegría Gutiérrez foi un militar y diplomáticu asturianu.
Biografía Nació'l 25 de xunetu de 1906 nel barriu asturianu de Buelna, perteneciente al conceyu de Llanes. Yera hermanu del tamién militar Luis Díez-Alegría Gutiérrez y del sacerdote Xesuita José María Díez-Alegría Gutiérrez. Fíu de Manuel Díez-Alegría García y de María Gutiérrez de la Gándara.
Estudió nel Colexu de la Inmaculada cola promoción de 1922. Ingresó na Academia d'Inxenieros del Exércitu en 1923, graduándose como teniente en 1929.
Xuntáu al bandu subleváu col entamu de la Guerra Civil, participó en diversos escenarios bélicos como les campañes del Norte, Aragón, Llevante, Ebro y Cataluña.
En 1940 foi nomáu caballeru gran cruz de la Orde de San Llázaro de Xerusalén. Estudió derechu ya impartió clases en delles academies militares, como la d'Inxenieros, de la que foi direutor. Tamién dirixó la Escuela Cimera del Exércitu, en 1964.
Encarnaría al grupu de militares del réxime comenenciudos na modernización y profesionalización del Exércitu.
Xubió a xeneral de división en 1961, y a teniente xeneral en 1967. En febreru de 1968 nomóse-y Direutor del Centru Cimeru d'Estudios de Defensa Nacional (CESEDEN). En xunetu de 1970 ye designáu Xefe del Altu Estáu Mayor, Diplomáu d'Estáu Mayor, exerció diversos cargos nel estranxeru, como la agregaduría militar de la Embaxada d'España en Brasil. Darréu aportó a embaxador d'España n'El Cairu (Exiptu) ente 1976 y 1978.
Foi miembru de númberu de la Real Academia de Ciencies Morales y Polítiques, na que pronunció'l so discursu d'ingresu'l 5 de marzu de 1968 sol nome de Defensa y Sociedá y tamién de la Real Academia Española, na qu'ingresó'l 20 de xineru de 1980, cola llectura de Efímera rellumanza. La escuela lliteraria militar de la Gloriosa y la Restauración.
Procurador nes Cortes franquistes ente 1970 y 1977.
Finó na Policlínica Naval de la madrilana cai d'Arturo Soria el 3 de febreru de 1987.
Obres
Condecoraciones Gran Cruz de la Real y Militar Orde de San Hermenegildo (1961): Gran Cruz (con distintivu blancu) de la Orde del Méritu Militar (1964): Gran Cruz (con distintivu blancu) del Méritu Naval (1968): Orde Imperial del Xugu y les Fleches Gran Cruz de la Orde Imperial del Xugu y les Fleches (1969): Orde d'Isabel la Católica Gran Cruz de la Orde d'Isabel la Católica (1970): Orde Civil d'Alfonso X el Sabiu Gran Cruz de la Orde Civil d'Alfonso X el Sabiu (1971): Gran Cruz de la Orde del Méritu Civil (1977):
Referencies
Bibliografía
Enllaces esternos
Categoría:Embaxadores d'España Categoría:Diplomáticos y diplomátiques d'Asturies Categoría:Xefes del Altu Estáu Mayor d'España Categoría:Xenerales d'Asturies Categoría:Militares de la Guerra Civil Española Categoría:Académicos de la Real Academia Española Categoría:Procuradores de les Cortes franquistes Categoría:Persones de Llanes