Blatino Erotica Awards son los premios daos añalmente a actores pornográficos y artistes de la industria del sexu gai, pertenecientes a les etnies afro y llatinoamericana nos Estaos Xuníos. El términu "Blatino", deriva del acrónimu de les pallabres black (negru n'inglés) y llatín.
Historia Los gallardones Blatino Erotica Awards, empiecen en 2007 como parte de Blatino Oasis, un resort pa gais y bisexuales de color allugáu en Palm Springs, California. L'oxetivu de la premiación, según los sos organizadores, ye "reconocer la contribución de los homes d'ascendencia afro y llatina na industria del sexu, que munches vegaes ye pasada por altu, y que'l so trabayu ye clasificáu como eróticu o sensual por naturaleza". El creador de Blatino Erotica Awards ye Joe Hawkings, un conocíu activista gai afroestauxunidense. En 1989, Hawkings foi'l primer home abiertamente homosexual de color n'apaecer nun programa de televisión n'Estaos Xuníos, en The Oprah Winfrey Show.
Ganadores Dientro de los gallardoniaos atópense conocíos artistes de la industria del porno gai, tales como Tiger Tyson (2007), Marc Williams (2008), Bobby Blake (2009), Ty Lattimore (2010), Diesel Washington (2011), y Randy Cochran (2012).
Referencies
Enllaces esternos Sitiu web de los Blatino Erotica Awards
Categoría:Premios LGBT Categoría:Premios a la industria pornográfica