right|thumb|Un home retoza con un wakashū (probablemente un kagema) y una prostituta. El wakashū (que lleva una bufanda) da un besu a les escondidielles a la muyer, por detrás del llombu del veceru. Nishikawa Sukenobu, escontra 1716-1735. Impresión shunga coloriada a mano.
Kagema (陰間) ye un términu históricu xaponés pa un prostituto mozu masculín. Los kagema yeren de cutiu aprendices d'actores de kabuki (que de la mesma de cutiu yeren prostitutos fuera del escenariu) y sirvíen a una vecería de muyeres y homes. Pa los veceros masculinos el serviciu habitual yera'l sexu añal pasivu;Leupp (1997), p. 109 la felación homosexual práuticamente nun se menta nos documentos de la yera Tokugawa.Leupp (1997), pp. 121-122
Los kagema que nun taben afiliaos con un teatru kabuki podíen ser contrataos al traviés de chamizues masculinos o aquelles cases de te especializaes en kagema.Leupp (1997), pp. 69-72 Munchos d'estos prostitutos, según munchos de los actores kabuki, yeren criaos amestaos por contratu, vendíos de neños al chamizu o teatru, típicamente nun contratu de 10 años.Leupp (1997), pp. 69, 134-135 Los kagema podíen ser presentaos como homes nuevos (yarō), wakashū (adolescentes d'ente 10 y 18 años) o como onnagata (tresformistes).Leupp (1997), pp. 90-92
Los kagema davezu cobraben más que les prostitutes femenines d'un estatus equivalenteLeupp (1997), p. 111 y notes acomuñaes y foi un negociu floreciente hasta mediaos del sieglu XIX, a pesar de les restricciones llegales crecientes.Leupp (1997), pp. 70-78, 132-134
El términu tamién s'emplega en dómina moderna en Xapón dientro del xíriga homosexual.
Ver tamién Homosexualidá en Xapón
Referencies
Bibliografía
Categoría:Teatru de Xapón Categoría:LGBT en Xapón Categoría:Historia LGBT Categoría:Prostitución en Xapón