La llei sobre peligrosidá y rehabilitación social foi una llei del códigu penal español aprobada pol réxime franquista el 5 d'agostu de 1970.Llei 16/1970, de 4 d'agostu, sobre peligrosidá y rehabilitación social]. Boletín oficial del estáu español (B.O.E.) nᵘ87 de 6/8/1970. Inclúi un PDF col testu de la llei y el so analís xurídicu] Sustituyía principalmente a la Llei de folgazanes y maleantes pal control de tolos elementos consideraos antisociales. Ente ellos incluyíase a aquellos que practicaren la mendicidad, la homosexualidá, el vandalismo, el tráfico y consumu de drogues, la venta de pornografía, la prostitución y el proxenetismu, según a los inmigrantes illegales y a cualesquier que fuera consideráu peligrosu moral o socialmente pol réxime.
Establecía penes que diben dende multes hasta penes de cinco años d'internamientu en cárceles o centros psiquiátricos pa la rehabilitación» de los individuos.
Esta llei xunto a la de «escándalu públicu» foi usada de forma sistemática pa la represión de la homosexualidá y la transexualidá na última parte de la dictadura franquista. Tres la muerte de Franco l'indultu de 1975 y l'amnistía de 1976 nun incluyó a nengún de los consideraos «peligrosos sociales».
Entrada la democracia la llei siguió a valir, anque ensin aplicación de facto pa los homosexuales. En xineru de 1979 esaniciáronse dellos artículos de la llei,Llei 77/1978, de 26 d'avientu, de cambéu de la Llei de Peligrosidá y Rehabilitación Social y del so Reglamentu. ente ellos el referente a «los actos d'homosexualidá». La llucha de los coleutivos homosexuales centróse entós en consiguir el cambéu de la llei sobre l'escándalu públicu, consiguiéndolo en 1983, y siendo la so derogación en 1989. La llei de peligrosidá social foi derogada dafechu'l 23 de payares de 1995.
Na disposición adicional tercera de la Llei Orgánica de proteición de datos 15/1999, de 13 d'avientu de 1999, declárense confidenciales los archivos policiales de tolos reprimíos con esta llei, y namái los historiadores pueden aportar a los sos datos con fines estadísticos.B.O.E. nᵘ298 de 14/12/1999. Llei de proteición de datos
Referencies
Categoría:Represión mientres la dictadura de Francisco Franco Categoría:España en 1970 Categoría:España en 1979 Peligrosidá y Rehabilitacion Social Categoría:Historia del derechu d'España Peligrosidá y rehabilitación social Categoría:Terapia de reorientación sexual Categoría:Política, instituciones y lleis del franquismu Categoría:Historia LGBT Peligrosidá y rehabilitación social