Un falsu cognáu ye una pallabra que, por cuenta de semeyances d'apariencia y significáu, paez guardar parentescu con otra pallabra d'un idioma distintu, pero qu'en realidá nun comparte'l so mesmu orixe etimolóxicu (nun son verdaderos cognaos).
L'exemplu típicu ye'l del verbu inglés to have ('tener', 'haber') y el similar verbu español haber, que, magar les sos semeyances aparentemente obvies, en realidá provienen de raigaños protoindoeuropeas bien distintes: l'inglés to have provién de *kap- ('garrar'), y en realidá ta emparentáu col nuesu verbu captar, anque nun lo paeza; ente que'l nuesu haber provién del raigañu protoindoeuropea *ghabh- ('dar'), y, anque tampoco lo paeza, ta emparentáu col inglés to give ('dar').
De normal, los falsos amigos son cognaos y escepcionalmente pueden ser falsos cognaos.
Ver tamién
Cognáu Falsu amigu Ma y pá
Referencies
Categoría:Traductología Categoría:Comparanza ente idiomes