.
NovaGob ye una rede social vertical y especializada, empobinada a la función pública y a profesionales de l'alministración pública nel ámbitu concretu iberoamericanu.
Orixe y funcionamientu La rede social NovaGob, creada en 2013, tien un marcáu sofitu académicu, y pretende ufiertar un espaciu d'alcuentru a profesionales públicos.
L'accesu a NovaGob ye abiertu a toles persones profesionales que trabayen nel sector públicu o tienen interés no público (funcionariado, sector académicu, de la consultoría, de la sociedá civil, etc...). Pa formar parte de la rede, tien de pasase un procesu de validación inicial. Una vegada dientro, la rede actúa como soporte pa l'apertura de grupos, alderiques, blogues, eventos y desenvolvimientu de wikis, siempres dientro del ámbitu de conocencia sobre lo público.
Como rede social especializada, NovaGob recibió numberoses menciones. Foi considerada na revista Nature como exemplu de los cambeos que les teunoloxíes sociales tán realizando nel sector públicu, ayudando a los emplegaos públicos a coneutar ente sigo pa la meyora de los servicios públicos. La OCDE fixo tamién mención de cómo'l proyeutu NovaGob consiguió reconocer bones práutiques nel ámbitu públicu llatinoamericanu. NovaGob apaeció tamién en medios de prensa nacionales ya internacionales, como parte d'un contestu innovador aparente pa llograr una alministración más dixital
Actividaes A partir de 2014, la rede empezó a celebrar congresos añales (I, II y III Congresu Iberoamericanu d'Innovación Pública NovaGob), según premios d'excelencia d'a bones práutiques nes alministraciones públiques (Premios NovaGob Excelencia). N'ochobre de 2016 NovaGob llanzó'l Llaboratoriu de Gobiernu pa la Innovación Pública n'Iberoamérica, primer Llaboratoriu de Gobiernu n'España, col sofitu de la Universidá Autónoma de Madrid. En xunu de 2017, la rede social NovaGob algamó 10.000 persones rexistraes.
Referencies
Enllaces esternos NovaGob Rede Social NovaGob.Lab
Categoría:Redes sociales Categoría:Sector_públicu Categoría:Alministración pública Categoría:Xestión Categoría:Iberoamérica