infoLibre ye un diariu dixital en castellán publicáu per primer vegada'l 7 de marzu de 2013. La so redaición ta en Madrid, España.
Datos xenerales Ye un diariu creáu por periodistes procedentes, ente otros, del diariu Público, El País y Radio Televisión Española, con una llinia editorial progresista. Ye pioneru nel mercáu de medios dixitales españoles pol so modelu de negociu, nel qu'una parte de los conteníos son de pagu y zarráu pa suscriptores. Los abonaos del diariu reciben una meyora diaria de conteníos escontra la medianueche y una revista mensual en papel y en formatu dixital, TintaLibre, dedicada a cróniques y reportaxes, y que'l so primer númberu salió a la vienta'l 9 de marzu de 2013.
Direición InfoLibre y TintaLibre tán empobinaos editorialmente por Jesús Maraña, exdireutor de Público. El direutor del diariu dixital ye'l tamién experiodista de Público Manuel Rico, y completen l'equipu de direición Juan Carlos Ortiz de Elguea (subdireutor), Fernando Varela (redautor xefe) y Yolanda González (corresponsal política). A la cabeza de TintaLibre ta Ramón Reboiras.
Ver tamién
Público (España) Eldiario.es Jesús Maraña CTXT
Aicionistes, socios y sofitos
InfoLibre cunta con dellos socios qu'apurren capital, ente ellos editoriales, como'l diariu dixital francés Mediapart y la editorial Edhasa. Amás de les cuotes abonaes polos socios, finánciase al traviés d'una Sociedá d'Amigos, a la que pertenecen figures del mundu de la cultura como Luis García Montero, Emilio Lledó, Fernando León de Aranoa, El Gran Wyoming, Almudena Grandes, Joaquín Sabina, Pedro Almodóvar, Gonzalo López Alba y Baltasar Garzón, ente otros.
La estructura aicionarial tien de ser tal que respete por estatutos el control únicu y esclusivu polos periodistes sobre la información y los criterios editoriales. El principal aicionista individual ye una sociedá formada polos cinco periodistes fundadores. Dende'l so orixe, InfoLibre arrenunció a los asina llamaos "alcuerdos institucionales" opacos por aciu los que les grandes empreses financien a la inmensa mayoría de los medios de comunicación en cuenta de publicidá y/o otros alcuerdos.
Bibliografía
Enllaces esternos
Referencies