El muséu del Xurásicu d'Asturies (MUXA) ye un muséu allugáu na rasa de San Telmo, nel conceyu de Colunga.
El muséu naz cola idea d'apurrir una bayurosa amuesa dobre los dinosaurios qu'habitaron la zona d'Asturies au ta allugáu'l muséu y que dexaron la so güelga nos xacimientos d'icnites, protexíos pola llei como monumentos naturales.
Edificiu
L'edificiu ye obra del arquiteutu Rufino García Uribelarrea, y ye la representación del contramolde d'una güelga de dinosauriu tridáctila.
La cubierta exterior ye de cobre y l'interior de madera con una esposición de 2.500 m² en dos plantes.
L'edificiu dispón de tienda y conseña.
Esposición thumb|right|250 px|Interior del muséu La esposición desenvuélvese nes dos plantes del muséu y nel sótanu. Sótanu: Esta zona acueye servicios a visitantes, esposiciones temporales, investigación y talleres de trabayu. Primer planta: Agospia una muestra sobre'l Triásicu, Xurásicu y Cretácicu. Segunda planta: Acueye una amesa sobre la dómina posterior al Mesozoicu, cretácicu, xurásicu, xurásicu asturianu, triásicu y tiempu anterior al mesozoicu. thumb|250 px|T. Rex nel Muja.
Xurásicu asturianu La parte más importante del muséu intégrenla los fósiles provenientes de la costa asturiana. En 2006 el númberu de los restos cincaben los 8.000 fósiles xebraos en icnites (150), restos de vertebraos (200), fósiles vexetales (103) y fragmentos de troncos (11), asina como elementos d'invertebraos (más de 6.000).
Referencies
Enllaces esternos
Páxina web oficial. Páxina sobre el museo.
Xurásicu Xurásicu