Farallón de Pájaros, tamién conocíu como Urracas (que vien del castellanu y significa "pegues"), ye una pequeña islla volcánica ensin población, la más septentrional y tamién la más occidental de la cadena de les Islles Marianes del Norte.
Historia Farallón de Pájaros foi cedida por España a Alemaña al traviés del Tratáu xermano-español (1899), xunto col restu de les Islles Marianes (sacante Guam). Les formalidaes de la cesión lleváronse a cabu'l 17 de payares de 1899 en Saipán, pa toles Islles Marianes del Norte.
De 1899 a 1914, Farallón de Pájaros foi controláu pol Imperiu alemán y alministráu como parte de la colonia de Nueva Guinea alemana. En 1903 la islla arrendóse a una compañía xaponesa, que cazaba páxaros cuyes plumes s'esportaben a Xapón y dempués a París.Gerd Hardach: König Kopra. Die Marianen unter deutscher Herrschaft 1899–1914. Steiner, Stuttgart 1990, , S. 133f.
Tres la Primer Guerra Mundial, la islla foi asignada al Imperiu del Xapón pola Sociedá de Naciones como parte del Mandatu de los Mares del Sur. Tres la Segunda Guerra Mundial, Farallón de Pájaros foi asignada a los Estaos Xuníos como parte del Territoriu en Fideicomisu de les Islles del Pacíficu, y darréu alminístrase como parte del Conceyu de les Islles del Norte de la Commonwealth de les Islles Marianes del Norte.
En 1985, según la so Constitución, la islla foi designada como área natural pa la protección y conservación de los recursos naturales. Dende 2009, la islla forma parte del Monumentu Nacional Marín de la Fuexa de les Marianes de los Estaos Xuníos.Brainard, Coral reef ecosystem monitoring report, S. 4.
Xeografía thumb|left|300px|Batimetría alredor de Farallón de Pájaros. thumb|left|Mapa incluyendo Farallón de Pájaros (1983)
Farallón de Pájaros ye la islla más septentrional de la cadena de les Marianes. Ta asitiada a 65 km al noroeste de les Islles Maug y a 591 km al norte de Saipán, la islla principal de les Islles Marianes del Norte. El so vecín septentrional ye Minami Iwo Jima de les Islles Ogasawara de Xapón, asitiáu a 541 km de distancia.
Farallón de Pájaros ye casi circular, con un llargor de 1,8 km, un anchor de 1,6 km y una superficie de 2,3 km2.Brainard, Coral reef ecosystem monitoring report, S. 1. Farallón de Pájaros ye la cima d'un estratovolcán activu con un altor de 360 m sobre'l nivel del mar. La base d'esti estratovolcán ta a unos 610 m baxo'l nivel del mar y tien un diámetru de 15 a 20 kilómetros.
Actividá volcánica Entre 1864 y 1953 rexistráronse 15 erupciones volcániques en Farallón de Pájaros.
Na zona de Farallón de Pájaros hai dos volcanes submarinos: Makhahnas, asitiáu a unos 10 km al suroeste, con un altor de 640 m baxo'l nivel del mar, que tuvo la so última erupción en 1967; y Ahyi, asitiáu a unos 18 km al sureste, algama un altor de 79 m baxo'l nivel del mar. Ta asociáu con una posible erupción en 1979, otra en 2001 y una serie d'erupciones submarines ente'l 24 d'abril y el 17 de mayu de 2014, con actividá hidrotermal que siguió polo menos hasta avientu de 2014., Global Volcanism Program, 2017. Report on Ahyi (United States) (Crafford, A.E., and Venzke, E., eds.). Bulletin of the Global Volcanism Network, 42:4. Smithsonian Institution. https://doi.org/10.5479/si.GVP.BGVN201704-284141.
Área importante pa les aves La islla foi reconocida como área importante pa les aves (IBA) por BirdLife International porque sostién poblaciones de Megapodius laperouse y Onychoprion fuscatus.
Ver tamién Xeografía de les Islles Marianes del Norte
Referencies
Enllaces esternos
Categoría:Islles Marianes del Norte Categoría:Volcanes Categoría:Islles del océanu Pacíficu