Helge Åke Rudolf W:son Munthe"W:son" indica la filiación paterna "Wilhelmsson" foi un romanista suecu, que publicó dellos llibros y artículos de tema hispánicu, particularmente sobre l'asturianu. Foi tamién director del institutu de comerciu Frans Schartau.
Depués d'estudiar nes universidaes d'Uppsala, Madrid y París, Munthe doctoróse'l 1887 cola tesis Anteckningar om folkmålet i en trakt af västra Asturien (Anotaciones sobre el habla popular en una zona del occidente de Asturias); los materiales pa esta tesis recoyéralos sobre too nun viaxe fechu en 1886 a Cangas del Narcea, que tamién-y dio materiales pa una publicación sobre'l folklore d'Asturies: Folkpoesi från Asturien (1889; Poesía popular de Asturias).Ver la información citada nos enllaces esternos Caltuvo una rellación d'amistá con Braulio Vigón, que-y dio información complementaria pa la so tesis.Ver Anotaciones..., nota 24, páx. 20
Munthe foi profesor asociáu d'español y portugués na Universidá. De 1890 a 1925 fo'l director del institutu de comerciu Franz Schartau (Frans Schartaus Praktiska Handelsinstitut) n'Estocolmu. Amás de temes asturianos, publicó tamién sobre l'español: Kortfattad spansk språklära (3a edición, 1929) y dellos artículos de revistes, ente otres los publicaos en Studier i modern språkvetenskap, revista de la Nyfilologiska sällskapet (Asociación de la Nueva Filoloxía) de la que Munthe foi ún de los fundadores en 1896 y presidente hasta 1916. Munthe tamién publicó sobre la llingua sueca Språk och stil y Nysvenska studier y sobre temes económicos y comerciales.
Igualmente tradució delles obres de teatru españoles al suecu; obres del Premiu Nobel José Echegaray y Eizaguirre o de Vital Aza (El sombrero de copa, Domarens hatt, estrenada n'avientu de 1912 nel Strindbergs Intima Teater).
Publicaciones d'Åke Munthe Anteckningar om folkmålet i en trakt af västra Asturien (tesis; 1887) Anotaciones sobre el habla popular de una zona del occidente de Asturias. Uviéu: Biblioteca de Filoloxía asturiana, 1987 [traducción al español d'Anteckningar om folkmalet i en trakt af vestra Asturien, con motivu del centenariu de la publicación] Folkpoesi från Asturien (1889) Poesía popular de Asturias. Xixón: Muséu del Pueblu d'Asturies, 2014. Traducción de Juaco López Álvarez y Jesús Suárez López "Romance de la tierra. Chanson populaire asturienne" en Recueil de mémoires philologiques presenté a M. Gaston Paris par ses élèves suédois (1889) Kortfattad spansk språklära [Gramática breve española] (1919) Spansk läsebok [llibru de llectura pal enseñu del español] (1920).
Referencies
Enllaces esternos Grabación de la visita de Munthe en 1886 a Cangas del Narcea; con una biografía y una foto Noticia de la colocación d'una placa n'homenaxe en Cangas del Narcea Noticia del homenaxe en 2012 Svensk biografisk handbok fotografía (cal facer la busca por persona)
Categoría:Persones de Jönköping Categoría:Filólogos y filólogues de Suecia Categoría:Idioma asturianu