Jill Tracy Biden —nacida col apellíu de Jacobs y llueu Stevenson ye una profesora d'Estaos Xuníos que foi segunda dama de los Estaos Xuníos dende 2009 a 2017. Ta casada con Joe Biden, el 47ᵘ vicepresidente de los Estaos Xuníos y candidatu presidencial demócrata a les eleiciones de 2020.
Biografía Nacida en Hammonton (Nueva Jersey), crióse en Willow Grove (Pennsylvania). Casó con Joe Biden en 1977 y se convirtió na madrasta de los sos dos fíos pequeñes frutu del so primer matrimoniu, Beau Biden y Hunter Biden, la madre y la hermana de los cuales morrieron nun accidente de coche en 1972. Joe y Jill Biden tienen una fía en común, Ashley, nacida en 1981.
Biden tien un grau universitariu pola Universidá de Delaware, másteres poles universidaes de West Chester y la Universidá Villanova y un doctoráu de la Universidá de Delaware.
Enseñó inglés y llectura n'institutos a lo llargo de trece años y tamién educó a adolescentes con dificultaes emocionales nun hospital siquiátricu. De 1993 a 2008 foi instructora d'inglés y escritura nel Delaware Technical & Community College. Dende 2009 ye profesora d'inglés nel Northern Virginia Community College lo que la convirtió na primer segunda dama con un trabayu remuneráu nel mandatu del so compañeru.
Referencies
Enllaces esternos
Categoría:Profesores d'Estaos Xuníos Categoría:Persones de Nueva Jersey