Fancuaya ye una collada asitiada nel conceyu asturianu de Tameza. Ye una zona de camperes y bebederu de ganáu, principalmente vacunu y equín. Alcuéntrase a casi 1100 m d'altitú sobre'l nivel de la mar, al pie del picu L'Oral (1248 m). Garró sonadía a fines de 2020 pol interés de ciclistes aficionaos del conceyu de Grau y la so redolada por que seya fin d'etapa na vuelta ciclista a España de 2022. Esti interés foi sofitáu poles autoridaes del conceyu.
Finalmente, confirmóse como final de la octaba etapa de la Vuelta a España 2022, nuna carrera que ganó'l ciclista australianu Jay Vine.
Pue aportase a esta collada diendo dende Grau, pela zona de Salcéu, xubiendo pela carretera AS-311. La parte más dura de la xubida ye la zona conocida como les cuestes de Castro, con una pendiente media del 8,1% y cuestes qu'algamen el 20%. La recta final ye una xubida continua d'ente'l 10 y 12% de desnivel, con dalgunos tramos al 15%.
Referencies
Enllaces esternos
Categoría:Montes d'Asturies Categoría:Tameza