GNOME (GNU Network Object Model Environment) ye un entornu d'escritoriu pa sistemes operativos de tipu Unix baxo teunoloxía X Window. Forma parte oficial del proyeutu GNU. Nació como una alternativa a KDE.
Anguaño alcuéntrase disponible en 48 llingües na so cabera versión. La versión en llingua asturiana distribúise xunto con delles ditribuciones GNU/Linux
Historia
El proyeutu GNOME surdió n'agostu de 1997 como proyeutu lideráu polos mexicanos Miguel de Icaza y Federico Mena pa criar un entornu d'escritorio llibre ensembre, pa sistemes operativos llibres, n'especial pa GNU/Linux. Dende l'entamu, l'oxetivu cimeru de GNOME foi fornir un conxuntu d'aplicaciones amigables y un escritoriu cenciellu d'usar. GNOME tamién ye una pallabra del idioma inglés que significa nomu, duende.
El Proyeutu GNOME pon un gran enfotu na cenciellera, usabilidá y en facer que les cosas funcionen. Otros oxetivos del proyeutu son:
La llibertá pa criar un entornu d'escritoriu que siempres tendrá'l códigu fonte disponible pa reutilizase baxo una llicencia de software llibre.
L'aseguramientu de l'accesibilidá, de tala miente que puea ser usáu por cualesquiera, ensin importar los sos conocimientos téunicos y discapacidá física.
Facer que tea afayaízu en munches llingües. Nesti intre ta siendo tornáu a más de 100 idiomes.
Evolución
Aplicaciones
L'escritoriu GNOME tien munches aplicaciones qu'utilicen la so biblioteca GTK+:
Oficina GNOME Office: suite ofimática, colos siguientes componentes: AbiWord: cenciellu y potente procesador de testu. Evolution: xestor d'información personal como corréu lletrónicu, axenda y contautos. Gnumeric: fueya de cálculu d'usu xeneral. GNOME-DB: arquiteutura d'acceso a bases de datos. Dia: programa de dibuxu estructural. Planner: programa pa planificación y organización de proyeutos. GnuCash: programa pa xestionar cuentes financieres.
Redes Gossip: cliente de mensaxería instantáneo de redes Jabber. Pidgin: cliente pa redes de mensaxería instantáneo. Ekiga: programa de videoconferencia. Xchat: cliente de chat. Epiphany: navegador web. Galeon: navegador web.
Diseñu GIMP: el programa de dibuxu, orixe de GTK. Sodipodi: programa de dibuxu veutorial. Inkscape: programa de dibuxu veutorial. Moho: programa de diseñu d'animación en 2D.
Multimedia GStreamer: framework multimedia p'aplicaciones GNOME. Totem: reproductor multimedia. Rhythmbox: reproductor de música. Listen: reproductor de música. Sound Juicer: estrautor de pistes de CD. Gthumb: visualizador y alministrador d'imáxenes. Eye of GNOME: visualizador d'imáxenes. Cheese: Programa pa tomar imáxenes y grabar videos con una cámara web.
Programación Anjuta: entornu integráu de desendolcu o EID. Glade: entornu integráu de desendolcu o EID. Proyeuto Mono: centráu en .NET y GTK#.
Accesibilidá Orca: software d'aida pa persones con impedimentos visuales. Dasher: interfaz d'entrada de testu dirixíu por xestos continuos y naturales. Gnopernicus: llector de pantalla y magnificador. Gok
Otros Gedit: editor de testu. Nautilus: xestor de ficheros. Evince: visor de documentos (PDF, Postscript ...). File-roller: programa de xestión d'archivos comprimíos. Bluefish: potente editor de páxines web. gDesklets AutoScan-Network GnomeBaker: Grabador de CD/DVD. Brasero: Grabador de CD/DVD. Graveman: Grabador de CD/DVD. Gnome-Deskbar Tomboy
Ver tamién Softastur Software llibre
Referencies