Juan Antonio Vázquez García , conocíu davezu como Juan Vázquez, ye un economista asturianu. Foi rector de la Universidá d'Uviéu ente l'añu 2000 y 2008.
Trayeutoria Ye llicenciáu en ciencies económiques y empresariales pola Universidá Complutense de Madrid y doctor con premiu estraordinariu pola Universidá d'Uviéu. Ye caderalgu d'economía aplicada na Universidá d'Uviéu, onde desenvolvió tol llabor docente ya investigador.
Política Presentóse como independiente a les eleiciones autonómiques de 2019 por Ciudadanos, partíu que consiguió 5 escaños. El 24 de xunu tomó posesión del so escañu pero poques hores depués arrenunció a él por discrepancies cola política de pactos del partíu.
Obres Escoyeta d'obres: Aportaciones al estudio del proceso de industrialización en Asturias. Pentalfa Ediciones, 1984. La cuestión hullera en Asturias (1918-1935), con José Luis García Delgado. Uviéu: Institutu d'Estudios Asturianos, 1985. La universidad, en transformación. Santander: PubliCan, Ediciones de la Universidad de Cantabria, 2008 Prosas sueltas. Uviéu: Nobel, 2010. Crecimiento, competitividad y empleo en la economía asturiana. Uviéu: Presidencia del Principáu d'Asturies, 2013.
Referencies
Enllaces esternos
Páxina de Juan Vázquez na Universidá d'Uviéu
Categoría:Economistes d'Asturies Categoría:Rectores de la Universidá d'Uviéu Categoría:Persones d'Ayer