Leopoldo Palacios Morini foi un políticu y xurista asturianu, académicu de la Real Academia de Ciencies Morales y Polítiques.
Biografía Llicencióse en Derechu na Universidá d'Uviéu y mientres les sos años d'estudiante collaboró en Revista Critica de Historia y Literatura, Boletín de la Institución Libre de Enseñanza y La España Moderna. Tuvo como profesores a Leopoldo Alas "Clarín", Adolfo Álvarez-Buylla y González-Alegre, Adolfo González Posada y Biesca y Rafael Altamira y Crevea, entre otros, que lu introducieron nel krausismu.Leopoldo Palacios Morini, Enciclopedia de Oviedo En 1899 doctoróse en Derechu na Universidá Complutense de Madrid cola tesis La progresión científica del derecho penal. En 1901 la Universidá d'Uviéu dio-y una beca pa que visitara Europa y en 1908 la Xunta d'Ampliación d'Estudios dio-y una beca pa visitar Alemaña. Frutu de les sos esperiencies foi Las Universidades populares (1908). En 1910 formó parte del patronatu de la Residencia de Estudiantes.Leopoldo Palacios Morini en filosofia.org
Militó políticamente nel Partíu Reformista de Melquíades Álvarez, col que foi escoyíu diputáu por Villalpando (provincia de Zamora) a les eleiciones xenerales españoles de 1914 y 1916 y por Tinéu nes de 1923.Ficha del Congresu de los Diputatos Tamién trabayó nel Institutu de Reformes Sociales y en 1923 foi por pocu tiempu subsecretariu de Facienda con José Manuel Pedregal y Sánchez-Calvo. Durante la dictadura de Primo de Rivera y la Segunda República Española siguió como xefe del Serviciu de Cultura Social del Ministeriu de Trabayu, y en 1926 ingresó na Real Academia de Ciencies Morales y Polítiques.
Obres Instituciones Industriales Las Universidades populares (1908) La Asamblea de Lugano La fundación de González-Allende de Toro Programa de Principios de Derecho corporativo Los mandatos internacionales de la Sociedad de Naciones Las oficinas de colocación, principalmente en Alemania Programa de Nociones de Economía política y política social
Referencies
Enllaces esternos
Categoría:Diputaos y diputaes pola provincia d'Asturies Categoría:Políticos y polítiques d'Asturies Categoría:Xuristes d'Asturies Categoría:Persones d'Uviéu Categoría:Alumnáu de la Universidá d'Uviéu