Rosa María Fernández García foi una sindicalista asturiana, gallardoniada cola Medaya de Plata al Méritu nel Trabayu en 2009.
Biografía Rosa María Fernández nació en 1942 na cai Eladio Carreño de la llocalidá asturiana de Xixón nuna familia obrera.
A los 17 años entamó a trabayar na Fábrica de Tabacos de Xixón, nel barriu Cimavilla. Ehí tuvo per 40 años hasta la so prexubliación en 1999. En 1968, gracies al accesu a la Universidá pa mayores de 25 años, Fernández matriculóse na Escuela Universitaria de Graduaos Sociales de Xixón pa estudiar Graduáu social. Pa facelo, la empresa concedió-y un "préstamu d'honor", que finalmente nun tuvo que devolver pol so aprovechamientu de la carrera.
En 1962 comenzó la so llarga carrera sindical, que tuvo que desenvolver na clandestinidá mientres el réxime franquista. Empecipió la so trayectoria sindicalista como enllaz sindical na Fábrica de Tabacos de Xixón, que yera propiedá de Tabacalera. En 1976 afilióse, tamién de manera clandestina, a UXT. Al añu siguiente, en 1977 pasó a integrar la executiva de la UXT de Xixón, siendo nomada secretaria xeneral de la sección sindical d'UXT na Fábrica de Tabacos de Xixón. Más tarde, foi escoyida miembru del comité d'empresa, función que desempeñó hasta la so prexubilación. Ente 1986 y 1988 exerció como delegada sindical estatal de Tabacalera.
Fernández siguió militando na Xunión Comarcal d'UXT Xixón ocupando dellos puestos y exerciendo, en 2009, como secretaria d'alministración.
Reconocencies En 2006 foi homenaxada pola Xunión de Xubilaos, Prexubilaos y Pensionistes de la UXT de Xixón xunto a Ulises Concejo Hevia. En 2008, foi reconocida por tola so trayectoria sindical nos Premios 8 de Marzu otorgaos por UXT con motivu del Día de la muyer trabayadora. En 2009 foi-y concedida, al pie de la tamién sindicalista Celestina Marrón, la Medaya al Méritu nel Trabayu na so categoría de Plata pola so trayectoria llaboral y el so trabayu polos derechos de los trabayadores.
Referencies
Enllaces esternos
Publicación Un instante... toda una vida. Mujeres vitales por las calles de Xixón na que mencionen a Rosa María Fernández García
Categoría:Sindicalistes d'Asturies Categoría:Persones de Xixón