Antonio David Álvarez Rey , más conocíu como David Álvarez o Davo, ye un .
Carrera Nació en Ḷḷuarca (Asturies) y de mozu xugó nes categoríes inferiores del Luarca CF y del Real Avilés El so debú como senior foi'l 26 de febreru de 2012 nun partíu de rexonal preferente en casa escontra'l Valdesoto CF qu'acabó 0-2. Marcó'l so primer gol el 22 d'abril d'esi añu escontra l'AD Universidad de Oviedo B.
Nel veranu de 2012, David fichó pol Real Uviéu Vetusta de la Tercer División, equipu nel que nun tuvo munches oportunidaes de xugar, y acabó colando pal Unión Popular de Langreo'l 8 d'ochobre.
Darréu pasó a xugar n'otros equipos de tercer división: Caudal Deportivo, Zamora CF y de nuevo l'Uviéu B enantes de fichar pol Rápido de Bouzas de la Segunda División B en xunetu de 2017. En xineru del otru añu volvió a la tercer división pa xugar nel CCD Cerceda, pero volvió al Zamora en xunetu de 2018 depués de perder la categoría.
El 3 de xunetu de 2019, depués d'anotar 20 goles, la meyor marca de la so carrera, Álvarez tornó a Llangréu, col equipu en segunda división B. En mayu del añu siguiente firmó contratu cola UD Ibiza de la mesma categoría, y foi'l máximu goliador del equipu d'esa temporada na qu'algamaron el so primer ascensu a la Segunda División.
David Álvarez xugó'l so primer partíu en categoría de fútbol profesional el 13 d'agostu de 2021 depués d'entrar na segunda parte del partíu escontra'l Real Zaragoza.
Referencies
Enllaces esternos
Categoría:Persones de Valdés Categoría:Futbolistes d'Asturies