Thunderbird (orixinalmente Minotaur) ye un xestor d'información personal llibre y de códigu abiertu que s'utiliza principalmente como veceru de corréu electrónicu con calendariu y axenda de contautos, amás de como llector de fontes RSS, veceru de chat (IRC/XMPP/Matrix) y veceru de noticies. Thunderbird ye un proyeutu independiente, desendolcáu pola MZLA Technologies Corporation, una filial de la Fundación Mozilla, que ta xestionáu y supervisáu pol Conseyu de Thunderbird, escoyíu pola comunidá. Como aplicación multiplataforma, Thunderbird ta disponible pa Windows, macOS, FreeBSD, Android y Linux. La estratexa del proyectu inspiróse orixinalmente na de Firefox, y Thunderbird ye una interfaz construyida sobro esi navegador web.
Thunderbird soporta IMAP/POP, etiquetes, correutor ortográficu incorporáu, soporte d'estensiones y skins, buscadores, cifráu PGP, un filtru bayesianu de corréu puxarra (spam), etc.
En febreru de 2012 asoleyóse la versión en llingua asturianaPáxina de descarga de Thunderbird n'asturianu
Proteición escontra Spam
Cada corréu que se recibe, ye analizáu polos filtros pa corréu puxarra (spam) de Thunderbird. Cada vegada que'l usuariu conseñe un mensax como spam, el software meyora el so filtráu pa que la persona usuariu namái ocupe'l so tiempu lleendo los correos que-y interesen. Thunderbird permite arriendes, según les preferencies, caltener el corréu puxarra fuera de la Bandexa d'entrada.
Thunderbird portátil
Esiste una versión portátil de Thunderbird que pue tresportase y usada direutamente dende una memoria USB ensin necesidá d'instalase nel sistema operativu.Thunderbird Portable Esta versión ta disponible pa Microsoft Windows de forma nativa, magar que tamién se pue executar en Gnu/Linux per duana de Wine.
Ver tamién Evolution Softastur Fundación Mozilla Mozilla Firefox Mozilla Sunbird
Enllaces esternos
Oficiales
Mozilla Thunderbird Estensión pa soporte de GPG (n'inglés) Estensión Lightning (n'inglés)
Non oficiales Tutorial pa configurar Thunderbird pa cuentes POP(Gmail) ó Webmail (Hotmail, Yahoo...) Tutorial cenciellu pa configurar Thunderbird
Referencies
Categoría:Software llibre Categoría:Software en llingua asturiana