Yasmina Triguero Estévez ye una política asturiana, alcaldesa de Castrillón dende'l 14 de xunu de 2014 pol partíu políticu Izquierda Xunida.
Biografía Tien una llicenciatura en pedagoxía pola Universidá d'Uviéu, na especialidá d'educación especial. Trabayó como pedagoga na Conseyería de Servicios y Derechos Sociales. Entró na corporación municipal en 2007 como Conceyal de la Muyer, cargu que mantuvo hasta'l 2011. Nes eleiciones d'esi añu volvió a consiguir puestu de conceyal, esta vegada na Conseyería d'Igualdá y de Facienda y Patrimoniu. El 14 de xunu de 2014 convirtióse na alcaldesa más moza de Castrillón tres sustituyir a Ángela Vallina, alcaldesa hasta esi momentu, quien foi elixida como eurodiputada por Izquierda Xunida nes eleiciones europees d'esi mesmu añu. Mantuvo l'alcaldía tres les eleiciones municipales del 24 de mayu de 2015.
Publicaciones 2008 - Ana Isabel Farpón Castañón, Lina María Menéndez Sánchez, Yasmina Triguero Estévez, Guía para la incorporación social. Edita, Consejería de Servicios y Derechos Sociales. 153 páxs.
Referencies
Enllaces esternos
Perfil na páxina web del Conceyu de Castrillón
Categoría:Persones de Castrillón Categoría:Alumnáu de la Universidá d'Uviéu