El Comité de los Derechos del Neñu ye un organismu de les Naciones Xuníes que tien la función d'examinar los progresos nel cumplimientu de les obligaciones contrayíes polos Estaos miembros que ratificaren la Convención sobre los Derechos del Neñu.
El Comité tamién supervisa l'aplicación de los dos protocolos facultativos de la Convención, publica la so interpretación del conteníu de les disposiciones sobre derechos humanos, en forma d'observaciones xenerales sobre cuestiones temátiques y entama xornaes de debate xeneral.
La so creación afítase nel artículu 43 de la propia Convención.
Composición del Comité
Según la Convención, ha tar integráu por diez persones espertes "de gran integridá moral y reconocida competencia". Sicasí, anguaño, ta formáu por 18 miembros repartíos en dos cámares.
La nueva distribución de los dieciocho miembros, basada nos grupos rexonales de Naciones Xuníes, ye: cuatro miembros d'África, cinco d'Europa Occidental y otros: cuatro d'Asia, dos de Llatinoamérica y el Caribe, y trés d'Europa del Este. D'esta manera, anque hai miembros de toles rexones, el Sur y Este d'Asia, asina como América Latina y el Caribe, tán infrarrepresentaes.
Ver tamién Convención sobre los Derechos del Neñu
Referencies
Enllaces esternos Comité de los Derechos del Neñu
Categoría:Derechos del neñu Categoría:Organismos de la ONX