Juan Ramón García Secades ye un empresariu, inxenieru de mines y políticu asturianu, afiliáu al PSOE dende 1993.
Biografía Nació n'Uviéu en 1948, cerca del antiguu mataderu. Fizo la educación primaria nel Colexu Hispania y llueu estudió la carrera d'inxenieru de mines na Escuela de Mines de la so ciudá ente 1965 y 1973. Ocupó dellos cargos políticos nel gobiernu asturianu ente 1989 y 2003. Depués de dexar la política, en 2004 nomáronlu presidente d'Hunosa. Tres salir d'esta empresa pública foi direutivu de Minas de Tharsis, empresa madre de Minas Riotinto.
Carrera política Entamó en política nel añu 1989. Ocupó los siguientes cargos: Direutor xeneral de Vivienda y Arquiteutura del Principáu d'Asturies, sol gobiernu de Pedro de Silva. Conseyeru d'Infraestructures y Política Territorial (1999-2003), nel gobiernu de Vicente Álvarez Areces.
Alministración central Tamién ocupó dellos cargos de l'alministración central: Direutor xeneral del Institutu pa la Vivienda de les Fuercies Armaes Subsecretariu del Ministeriu d'Educación y Ciencia (1993) Secretariu d'Estáu de Defensa (1995)
Tamién foi conseyeru de Sogepsa, Sedes, Empresa Nacional Santa Bárbara, Caxa Postal, Institutu Cervantes, Telefónica ya l'Institutu Nacional d'Industria.
Referencies
Enllaces esternos
Categoría:Políticos y polítiques d'Asturies Categoría:Empresarios y empresaries d'Asturies Categoría:Políticos y polítiques del Partíu Socialista Obreru Español Categoría:Socialistes d'Asturies Categoría:Persones d'Uviéu