Ambás ye una de les doce parroquies del conceyu asturianu de Carreño
Situación y comunicaciones La parroquia d'Ambás asítiase na fastera sur-oriental del conceyu. Llenda cola parroquia d'El Valle al oeste, cola d'Llorgozana al noreste, cola de Tamón al sur y col conceyu Xixón al este.
La distancia media con Candás, capital del conceyu, ye d'unos 8 km (siendo'l nucleu más averáu l'aldega d'Ambás, a 7'50 km, y el más alloñáu'l llugar d'El Monticu, a 8,50 km).
Pue llegase a Priendes pela carretera AS-118, antigua carretera AS-19.
El códigu postal ye 33438.
Territoriu y población Tien una estensión de Ajuste del mapa de parroquias. Mapa de entidades colectivas de población. Uviéu, SADEI, 2012. Actualizáu'l 1 de febreru de 2024., y una población de Nomenclátor del INE: Población del padrón continuo por unidad poblacional. (Institutu Nacional d'Estadística)..
Les entidaes de población de la parroquia son les siguientes:
ENTIDÁ CATEGORÍA POBLACIÓN Ambás Llugar 57 Güerno Llugar 51 El Monticu Llugar 91 El Rodil Aldega 18
Topónimu Diz Xosé Lluis García AriasXose Lluis García Arias, "Toponimia Asturiana", al falar de los xenitivos n'-ASII, -ATII, -ACII: "Otru grupu de topónimos son testimoniu de la segunda declinación -ASIUS / -ASII (o asimilaos). A veces resulten fácilmente identificables tales resultaos: Ambás (Vv, Cñ, Gr) AMBASIUS/AMBATIUS"
Sitios d'interés Ilesia de Santiago d'AmbásPáxina del Ayuntamientu de Carreño El templu apaez como una donación del rei Alfonsu X, pero desapaeció y fue reconstruyía pol arquiteutu Pedro Antonio Menéndez, con materiales procedentes del turruxón de Güerno. Amburó mientres la Guerra Civil Española y vuelta a contruyir na década de los 40, pa ser estaurada por última vez en 1996.
Presenta un solu cuerpu, con pórticu llateral y campanariu na portada.
Dientro alcuéntrense les imáxenes de Santiago y la Virxe del Rosariu.
Antigües escueles de neñes d'AmbásPáxina del Ayuntamientu de Carreño Fue una iniciativa de los hermanos José y Álvaro Bango León, emigraos en Cuba, que financiaron el proyeutu dende 1909 hasta que finó la construcción, en 1913, momentu cuando José donó la escuela al conceyu.
Ye un edificiu singular nesti tipu d'edificaciones escolares, porque presenta un solu cuerpu y un únicu llocal d'enseñanza, averáu a él ta la casa'l maestru. La fachada ta rematada por un campanariu.
Asítiase en Güerno. Anguaño ye sede de l'Asociación de Vecinos "Santiago d'Ambás". Conxuntu d'arquiteutura indiana de GüernoPáxina del Ayuntamientu de Carreño Esti conxuntu ta compuestu por tres inmuebles nel barriu de Güerno: Casa Manzaneda, el númberu 12. Ye una construcción (casa principal, corte y panera), de 1888. L'estilu orixinal ye tradicional asturianu, pero fueron amestándose-y tipo de calter indianu. Ún de los sos dueños fue'l diputáu a Cortes en 1937 pol Partíu Republicanu, Carlos Martínez. Pertenez anguaño a M ª Carmen Maribona Martínez, que la heredó d'esti en 1997. Casa Josefina-Antonín, el númberu 13. Construyía xunto a Casa Manzaneda, presenta les mesmes carauterístiques, pero ye de menor tamañu. Yera una casa destinada al alquiler y foi mercada por Josefina Álvarez, porque los pas vivieren ellí dende principios del sieglu XX, a Carlos Martínez en 1975. Casa Bango, el númberu 14. Ye propiedá de Mª Jesús y Mª Josefina Bango García, fíes de José Bango, qu'emigrare a Cuba. Casa PlácidoPáxina del Ayuntamientu de Carreño Asitiada nel barriu d'Ambás, ye una casa d'estilu indianu, que destaca pola torre de tres pisos. La casa tien tamién un corredor orixinal mui bien conserváu, como'l restu la finca. La propiedá ta formada por varies edificaciones más, la mayoría d'ellas cuadres. Castru de GüernoPáxina del Ayuntamientu de Carreño La finca onde s'alcuentra ye'l númberu 1 del barriu de Güerno. Anguaño, los restos tan cubiertos de vexetación. El castru paez pertenecer a un asentamientu de la Edá del Fierro. Turruxón de GüernoPáxina del Ayuntamientu de Carreño Ye un turruxón medieval del que solo se conserven dos parés, los llaos Oeste y Norte, presentando esti últimu delles saeteras. Anguaño, estos restos formen parte d'un tendayu de la Casa Escopeta, númberu 16 del barriu de Güerno. Fontes y llavaderos Dientro la coleición d'esti tipu de construcciones que presenta la parroquia, destaca'l llavaderu de la RegueraPáxina del Ayuntamientu de Carreño, del barriu de Güerno. Datáu en 1872. Tien seis piedres de llavar cubiertes por un teyáu a dos agües, un bebederu y una fonte de dos caños.
Otres fontes son la d'El RuxidoriuPáxina del Ayuntamientu de Carreño, nel barriu d'El Monticu; la d'El CaleyónPáxina del Ayuntamientu de Carreño, de 1897, con una piedra tallada en forma de tiesta lleón enriba'l cañu, nel barriu Güerno; y la fonta La PelayaPáxina del Ayuntamientu de Carreño, nel barriu d'Ambás.
Fiestes 25 de xunetu: Fiestes Sacramentales de Santiago. Tercer domingu d'ochobre: Virxe del Rosariu. 13 de xunu: San Antonio.
Entidaes sociales de la parroquia A.V. Santiago de Ambás Direición: Antigües Escueles de Neñes, Barriu de Güerno - e/n
Códigu Postal: 33438 - Ambás
Presidente: Victorio Fernández García
E-mail: [email protected]
Teléfonu: 607 75 66 48 Sociedá de Festexos "Santiago" d'Ambás Direición: Antigües Escueles de Neñes, Barriu de Güerno - e/n
Códigu Postal: 33438 - Ambás
Presidenta: Inés Fernández Fernández
Teléfonu: 686533386
Ver tamién
Referencies
Enllaces esternos
Categoría:Parroquies de Carreño Categoría:Wikipedia:Mantenimientu:Parroquies d'Asturies ensin plantía "llista de sitios"