Танегасіма — карта Японіі — востраў на поўдні Японскага архіпелага. Размешчаны на поўдзень ад вострава Кюсю, на мяжы Ціхага акіяна і Усходне-Кітайскага мора. Адміністрацыйна адносіцца да японскай прэфектуры Кагосіма.
Геаграфія Танегасіма размешчана за 35 км на поўдзень ад паўвострава Осумі, які належыць востраву Кюсю. Яе працягласць з поўначы на поўдзень складае 58 км, з захаду на ўсход — 7 км. Разам з суседнімі астравамі Яку, Куціноэрабудзіма і Магесіма ўваходзіць у склад астравоў Осумі.
Формай Танегасіма нагадвае выцягнутае рысавае зярнятка. Вышэйшы пункт — 282 м. Рэльеф Танегасімы пераважна нізінны. Плошча вострава — каля 445 км². Яго ўсходняя частка крутая і скалістая, а заходняя — спадзістая, пакрытая пясчанымі пляжамі.
Сярэднямесячная тэмпература на Танегасіме вышэй за 10 °C, а сярэднегадавая колькасць ападкаў — 2700 мм. Флора прадстаўлена субтрапічнымі раслінамі, а таксама сельскагаспадарчымі культурамі: батат, тытунь, арахіс, гарох, мандарыны і г. д. Прыбярэжныя воды багатыя на крэветкі і рыбу.
Катэгорыя:Астравы Японіі Катэгорыя:Кагосіма (прэфектура)