Пётр з Дусбурга, Пётр з Дуйсбурга, Пётр Дзюзбург (сярэдзіна XIII ст. — пасля 1330) — брат-святар і храніст Тэўтонскага ордэна.
Пэўных звестак пра жыццё Пятра няма. Радзімай храніста працяглы час лічылі горад Дуйсбург (Duisburg) на Рэйне. Потым польская даследчыца выказала здагадку, што Пётр выхадзец з галандскага Дусбурга, які з 1-й паловы XIII ст. знаходзіўся на тэрыторыі балея Утрэхт Тэўтонскага ордэна. Цяпер абедзве версіі суіснуюць.
Асноўны твор — «Chronicon Terrae Prussiae», даведзены да 1326 года з дадаткамі да 1330 года. Хроніка захавалася толькі ў спісах XV ст., у ёй змешчана ваенная гісторыя Ордэна ў Прусіі, апісаны прусы і іх паганскія культы. Застаецца нявызначаным месца напісання «Хронікі…» і месцы знаходжання аўтара. Паводле асноўных версій гэта маглі быць Рагніт, Кёнігсберг або Марыенбург, на апошні паказвае прысвячэнне «Хронікі…» вялікаму магістру Ордэна.
Сярод іншага ў «Хроніцы Прускай зямлі» паведамлялася, што ў Вялікім Княстве Літоўскім усе юрыдычныя пастановы і публічныя акты пісаліся на «рускай» мове (decreta in iudiciis et alia acta publica Russice scribuntur).
Крыніцы
Літаратура Матузова В. И. Предисловие // Петр из Дусбурга. Хроника земли Прусской. М. Ладомир. 1997
Катэгорыя:Гісторыкі Сярэдневякоўя Катэгорыя:Гісторыкі Тэўтонскага ордэна Катэгорыя:Гісторыкі XIV стагоддзя