Катастрофа Ан-26 пад Кіншасай — буйная авіяцыйная катастрофа, якая адбылася ў чацвер 4 кастрычніка 2007 года ў прыгарадзе Кіншасы, сталіцы Дэмакратычнай Рэспублікі Конга, калі пры ўзлёце ўпаў самалёт Ан-26. Лайнер пілатаваў расійскі экіпаж.
Ход падзей Самалёт, які ажыццяўляў змешаны груза-пасажырскі рэйс па маршруце Кіншаса — Чыкапа — Кананда, вылецеў з міжнароднага аэрапорта Н’джылі горада Кіншаса. Ён належаў авіякампаніі Africa One і арандаваны кампаніяй Malift Air. Падчас узлёту ў самалёта раптам аддзялілася паветраны вінт правага рухавіка, што прывяло да страты пад’ёмнай сілы і вышыні. Пілоты спрабавалі зманеврыраваць, аднак самалёт з-за парушэння цэнтроўкі нахіліўся і зачапіў дрэвы. Ад удару лайнер страціў правае крыло, перайшоў у пікіраванне і ўпаў на жылы раён Кіншасы, разбурыўшы пры гэтым некалькі дамоў. На месцы катастрофы быў знойдзены 1 выжылы член экіпажа — зменны бортмеханік, грамадзянін ДРК.
Прычыны катастрофы Прычынай катастрофы сталі канструктыўныя недахопы, выкліканыя зносам дэталяў рухавіка і ашалёўкі самалёта, які доўгі час эксплуатаваўся ва ўмовах трапічнага клімату. Мела месца перагрузка лайнера. На самалёце, па адных даных, замест заяўленых 22 чалавек ляцелі 27Mass Media : Бизнес на крови. Па іншых даных, на борце самалёта было 20 чалавек (14 пасажыраў і 6 членаў экіпажа)Mass Media : Число жертв авиакатастрофы в Киншасе достигло 52 человек — власти. Колькасць грузу на борце невядома.
Наступствы катастрофы Пасля катастрофы звольнены міністр транспарту ДРК, а ўлады краіны загаварылі аб забароне палётаў самалётаў АКБ імя АнтонаваMass Media : Власти Конго заговорили о запрете на полеты для самолетов Ан. Аднак, акрамя размоў, ніякіх дзеянняў у дачыненні да забаронаў ажыццёўлена не было.
У катастрофе загінулі 52 чалавекі. Сярод іх трое расійскіх пілотаў: КПС Валерый Пятровіч Бараннік (г. Краснадар), другі пілот Сяргей Старавойтаў (г. Таганрог) і бортмеханік Іван Бондараў (г. Курск). Прадстаўнікі СМІ атрымалі інтэрв’ю сваякоў членаў расійскага экіпажа, які загінуў у катастрофе: Ён павінен быў вярнуцца дадому праз два месяцы. За дзень да катастрофы Вольга Старавойтава прасіла мужа разарваць кантракт — не давала спакою цяжкае прадчуванне. Сяргей абяцаў, што гэта яго апошняя далёкая камандзіроўка. Так і выйшла. — Rambler Mass Media: Бизнес на крови Як правіла, выконваюць (заўв. — расійскія лётчыкі ў Афрыцы) палёты з вялікім перагрузам, выконваюць перавозкі небяспечных грузаў — бензіну, газы, выбуховых рэчываў, зброі. Шмат раёнаў Афрыкі выслана косткамі рускіх пілотаў і парэшткамі расійскіх самалётаў. Напэўна, хтосьці павінен спыніць гэты бізнэс на крыві. — Уладзімір Герасімаў, пілот 1-га класа Ён вырашыў яшчэ падоўжыць кантракт, каб у сям’і былі грошы. Ён вельмі любіў свайго сына і жыў для сваёй сям’і… — Вольга Старавойтава, удава загінулага 2-га пілота
Гл. таксама Катастрофа Ан-32 у Кіншасе Авіяспецыялісты былых савецкіх рэспублік у Афрыцы
Спасылкі Rambler Mass Media РИА Новости Трое россиян погибли в авиакатастрофе в Конго — Rambler Mass Media «Бизнес на крови» Число погибших в авиакатастрофе в ДРК достигло 52 человек — РИА Новости Власти ДРК заговорили о запрете на полёты самолётов «Ан»
Катэгорыя:Падзеі 4 кастрычніка Катэгорыя:Кастрычнік 2007 года Катэгорыя:Авіяцыйныя здарэнні ў Дэмакратычнай Рэспубліцы Конга