Напад на Хасканіту — інцыдэнт, які адбыўся 30 верасня 2007 года ў раёне горада Хасканіта (Паўднёвы Дарфур). У ходзе здарэння міратворцы Афрыканскага саюза падвергліся нападу з боку мясцовых паўстанцкіх атрадаў. За ўчыненыя налёты тры камандзіры дарфурскіх сепаратыстаў былі арыштаваны і выдадзены Міжнароднаму крымінальнаму суду.
Абстаноўка У 2003 годзе на глебе міжэтнічных супярэчнасцяў у суданскім рэгіёне Дарфур успыхнуў мяцеж, апорай якога сталі дзве ваенізаваныя групоўкі: «Фронт вызвалення Дарфура», пазней пераназваны ў «Вызваленчы рух Судана» (ВРС), і «Рух за справядлівасць і роўнасць»BBC Staff (24 February 2009) «Who are Sudan’s Darfur rebels?» BBC News. Канфлікт прыцягнуў увагу сусветнай грамадскасці, што стала прычынай уводу міратворчых сіл Афрыканскага саюза ў рэгіён і фарміраванне Аб’яднанай афрыканскай місіі ў Судане (AMIS). Па рашэнні Савета Бяспекі ААН 1564, AMIS павінен быў «блізка і бесперапынна, каапераваць і каардынаваць... на ўсіх узроўнях» сваю дзейнасць з місіяй Арганізацыі Аб’яднаных Нацый у Судане (UNMIS)AMIS official site.
У лістападзе 2006 года тэрыторыя вакол Хасканіты была перададзена групоўцы «Нацыянальны фронт адкуплення», якая адкалолася ад «Руху за справядлівасць і роўнасць». Агенцтвы па аказанні дапамогі прыпынілі сваю дзейнасць у суседніх раёнах Эд-Дэін і АдылаUSAID situation report , USAID, 1 December 2006.
Ход падзей 30 верасня 2007 г. каля 1000 паўстанцаў напалі на базу AMIS, у выніку чаго загінулі 10 салдат, з якіх сямёра з Нігерыі і па адным з Малі, Сенегала і БатсваныHotmail, Outlook inloggen | Nieuws, Weer, Sport | MSN Nederland. Яшчэ 50 чалавек прапалі без вестак, але пазней знойдзены. Атака адбылася адразу пасля заходу сонца і праходзіла на фоне ўзмацнення напружанасці паміж сепаратыстамі і міратворцамі, якіх паўстанцы абвінавачвалі ў прадузятасці да цэнтральнага ўраду. Відавочцы сцвярджалі, што мяцежнікі выкарысталі цяжкае ўзбраенне, у тым ліку гранатамёты і браняваныя машыныRebel attack came at end of Ramadan fast USAToday, October 1, 2007.. Паўстанцкія рухі ў Дарфуры абвінавацілі ў нападзе ўрадавую армію.
У пачатку кастрычніка горад Хасканіта падвергнуўся нападу. Вялікая яго частка была спалена. З ацалелых пабудоў засталіся толькі гарадская мячэць і школаBBC NEWS | Africa | Army-controlled Darfur town razed. Розныя крыніцы ў Хартуме сцвярджалі, што падпал быў здзейснены апалчэннем «Джанджавід» у адказ на налёт у канцы верасняHotmail, Outlook inloggen | Nieuws, Weer, Sport | MSN Nederland. Па іншых даных, знішчэнне горада з’яўляецца справай рук урадавых войскаў і міратворцаўВ Судане сожжен дотла целый город.
Расследаванне МКС Дарфурскі канфлікт быў перададзены Саветам Бяспекі ААН у 2005 годзе ў Міжнародны крымінальны суд, галоўны пракурор якога пачаў расследаванне злачынстваў, звязаных з канфліктамSecurity Council Refers Situation in Darfur, Sudan, To Prosecutor of International Criminal Court, United Nations, 2005-03-31, accessed on 2007-01-11.
У ліпені 2008 года ён заявіў, што ведае, хто быў адказным за рэйд на ХасканітуCourt vows to try Darfur rebels, Al Jazeera, 2008-07-18. У лістападзе таго ж года пракурор запатрабаваў ордэра на арышт трох камандзіраў паўстанцаў з «Руху за справядлівасць і роўнасць», якія маюць дачыненне да здарэнняProsecutor to present third Sudan case within weeks , Reuters, 2008-10-18. Адзін з іх — Бахр Ідрыс Абу Гарда — добраахвотна здаўся правасуддзю ў маі 2009-гаFirst Darfur rebel to appear before Hague court, Reuters, 2009-05-17. Аднак абвінавачванні былі зняты ў лютым 2010 года з-за недастатковай колькасці доказаўSudan: Darfur rebel leaders surrender to Hague court, BBC, 16 June 2010. Двое іншых камандзіра — Абдала Банда Абакаер Нурэйн і Салех Махамед Джэрба Джамус — здаліся ў чэрвені таго ж года і былі абвінавачаны па трох пунктах ваенных злачынстваў: забойства; марадзёрства; напад на міратворцаў.
Зноскі
Спасылкі Preliminary AU report on the September 30 attack Катэгорыя:Падзеі 30 верасня Катэгорыя:Верасень 2007 года Катэгорыя:Канфлікты 2007 года Катэгорыя:Дарфурскі канфлікт