Брус Шульман () — амерыканскі гісторык, прафесар гісторыі на кафедры імя Уільяма Эдвардса Хантынгтана ў Бостанскім універсітэце.
Зараз Шульман заняты маштабным праектам: ён піша том для вядомай серыі «Оксфардская гісторыя Злучаных Штатаў Амерыкі». Яго даследаванне ахоплівае ключавы перыяд гісторыі ЗША з 1896 па 1929 гады.
Жыццяпіс Брус Шульман атрымаў ступень бакалаўра гісторыі ў Ельскім універсітэце ў 1981 годзе. Затым ён працягнуў навучанне ў Стэнфардскім універсітэце, дзе ў 1982 і 1987 гадах адпаведна атрымаў ступені магістра мастацтваў і доктара філасофіі па гісторыі.
У 1987 годзе Шульман распачаў сваю выкладчыцкую дзейнасць у Каліфарнійскім універсітэце ў Лос-Анджэлесе як асістэнт-прафесар гісторыі. У снежні 1993 гады пакідае Каліфарнійскі ўніверсітэт, каб у студзені 1994 гады далучыцца да Бостанскага ўніверсітэту як паўнавартасны прафесар гісторыі. З чэрвеня 1997 года па верасень 2002 года Шульман займаў пасаду кіраўніка праграмы гістарычных даследаванняў ЗША і Новай Англіі пры гэтым універсітэце. У 2010—2013 гадах узначальваў гістарычны факультэт.
У 2022—2023 гады Шульман займаў прафесарскую пасаду на кафедры імя Гаральда Вівіяна Хармсварта па гісторыі ЗША ў Каледжы Каралевы пры Оксфардскім універсітэце.
Сёння Брус Шульман узначальвае Інстытут амерыканскай палітычнай гісторыі ў Бостанскім універсітэце. З 2008 года ён займае прэстыжную прафесарскую пасаду на кафедры па гісторыі імя .
Прызнанне У 1993 годзе, працуючы ў Каліфарнійскім універсітэце ў Лос-Анджэлесе, Шульман быў удастоены прэстыжных прэмій: прэміі Чарльза і Харыет Лакмэн за выдатныя дасягненні ў выкладанні і прэміі Эбі за майстэрства выкладання. У 2006 годзе Амерыканская гістарычная асацыяцыя ўзнагародзіла Шульмана прэміяй Нэнсі Лаймэн Ролкер за выдатныя дасягненні ў навуковым кіраўніцтве аспірантамі.
Бібліяграфія
Публікацыі Шульман з’яўляецца аўтарам трох кніг, прысвечаных амерыканскай палітычнай і эканамічнай гісторыі XX стагоддзя. Ён таксама напісаў шмат аналітычных артыкулаў пра амерыканскую палітыку для такіх вядучых амерыканскіх выданняў, як «Washington Post» і «Politico».
Кнігі From Cotton Belt to Sunbelt: Federal Policy, Economic Development, and the Transformation of the South, 1938—1980 (Oxford University Press, 1991) Lyndon B. Johnson and American Liberalism: A Brief Biography with Documents (Bedford Books of St. Martin’s Press, 1994) The Seventies: The Great Shift in American Culture, Politics, and Society (Free Press, 2001)
Крыніцы
Спасылкі Выступленні на C-SPAN
Катэгорыя:Выкладчыкі Бостанскага ўніверсітэта Катэгорыя:Выпускнікі Ельскага ўніверсітэта Катэгорыя:Выпускнікі Стэнфарда Катэгорыя:Прафесары кафедры імя Гаральда Вівіяна Хармсварта