Ángel Rodríguez Gallardo, nado en Aldeadávila de la Ribera (Salamanca) en 1964, é un profesor e historiador galego.
Traxectoria Foi profesor colaborador en programas de alfabetización e para a obtención do graduado escolar no distrito de Carabanchel (1980-1986). Licenciado en Filoloxía Hispánica pola Universidade Complutense de Madrid e doutor en Filoloxía Hispánica pola Universidade de Santiago de Compostela. Profesor de ensino secundario de Lingua castelá e literatura desde 1989 en institutos de Navarra, Coruña e Pontevedra, foi profesor bolseiro na cátedra de Lingua Española da Facultade de Humanidades e Ciencias Sociais da Universidade Nacional da Patagonia (Arxentina). É profesor asociado do Departamento de Lingua Española da Universidade de Vigo.
Obras La complementación preposicional en español clásico, 2004. As vidas de Enriqueta Otero Blanco, 2005. O ruído da morte. A represión franquista en Ponteareas (1936-1939), 2006. Memoria e silencio na Galiza contemporánea, 2008.
Premios III Premio de Investigación Fermín Bouza Brey (2004) co traballo A represión franquista en Ponteareas (1936-1939).
Véxase tamén Bibliografía Ficha en galegos.info
Categoría:Historiadores de Galicia Categoría:Nados na provincia de Salamanca Categoría:Nados en 1964