A diocese de Canterbury é unha diocese da Igrexa de Inglaterra (Comuñón Anglicana) que abarca o territorio oriental do condado de Kent, Inglaterra. Reclámase herdeira daquela fundada por Agostiño de Canterbury no 597, a arquidiocese de Canterbury, hoxe suprimida. Ten a súa sé na Catedral de Canterbury, e trátase da sé máis antiga da Igrexa de Inglaterra.
Bispos O bispo diocesano é o Arcebispo de Canterbury, a día de hoxe Justin Welby. Porén, por mor do seu papel como Metropolitano da provincia de Canterbury, Primado de Toda Inglaterra e cabeza da Comuñón Anglicana, o arcebispo (cuxa residencia está en Londres) está a miúdo afastado da diocese. É por isto que un dos seus bispos sufragáneos, o Bispo de Dover (hoxe Trevor Wilmott), ten a facultade de actuar no seu lugar.
Até 2009 existía outro bispo sufragáneo, o bispo de Maidstone, mais en novembro de 2010 decidiuse que non se farían máis nomeamentos para este cargo. Os outros dous sufragáneos cuxas sés están situadas na diocese (Ebbsfleet e Richborough) son en realidade visitadores episcopais provinciais cuxo ámbito de actuación e maior que o da diocese.
Lista de arcebispos anglicanos de Canterbury Dende a reforma inglesa do século XVI, logo do acordo relixioso isabelino e sen aprobación papal, os arcebispos de Canterbury anglicanos teñen sido os seguintes: Matthew Parker (17 de decembro de 1559 - 17 de maio de 1575) Edmund Grindal (29 de decembro de 1575 - 6 de xullo de 1583) John Whitgift (14 de agosto de 1583 - 29 de febreiro de 1604) Richard Bancroft (9 de outubro de 1604 - 2 de novembro de 1610) George Abbot (4 de marzo de 1611 - 4 de agosto de 1633) William Laud (6 de agosto de 1633 - 10 de xaneiro de 1645) William Juxon (2 de setembro de 1660 - 4 de xuño de 1663) Gilbert Sheldon (16 de xuño de 1663 - 9 de novembro de 1677) William Sancroft (27 de xaneiro de 1678 - 1 de febreiro de 1690) John Tillotson (31 de maio de 1691 - 22 de novembro de 1694) Thomas Tenison (6 de decembro de 1694 - 14 de decembro de 1715) William Wake (17 de decembro de 1715 - 24 de xaneiro de 1737) John Potter (9 de febreiro de 1737 - 10 de outubro de 1747) Thomas Herring (21 de outubro de 1747 - 13 de marzo de 1757) Matthew Hutton (29 de marzo de 1757 - 19 de marzo de 1758) Thomas Secker (8 de marzo de 1758 - 3 de agosto de 1768) Frederick Cornwallis (12 de agosto de 1768 - 19 de marzo de 1783) John Moore (31 de marzo de 1783 - 18 de xaneiro de 1805) Charles Manners-Sutton (1 de febreiro de 1805 - 21 de xullo de 1828) William Howley (6 de agosto de 1828 - 11 de febreiro de 1848) John Sumnerom (17 de febreiro de 1848 - 6 de setembro de 1862) Charles Longley (20 de outubro de 1862 - 28 de outubro de 1868) Archibald Tait (28 de novembro de 1868 - 1 de decembro de 1882) Edward Benson (13 de xaneiro de 1883 - 11 de outubro de 1896) Frederick Temple (9 de novembro de 1896 - 22 de decembro de 1902) Randall Davidson (14 de xaneiro de 1903 - 12 de novembro de 1928) Cosmo Gordon Lang (13 de novembro de 1928 - 31 de marzo de 1942) William Temple (1 de abril de 1942 - 26 de outubro de 1944) Geoffrey Fisher (12 de xaneiro de 1945 - 31 de maio de 1961) Michael Ramsey (1 de xuño de 1961 - 15 de novembro de 1974) Donald Coggan (18 de novembro de 1974 - 25 de xaneiro de 1980) Robert Runcie (1 de febreiro de 1980 - 31 de xaneiro de 1991) George Carey (19 de abril de 1991 - 31 de outubro de 2002) Rowan Williams (2 de decembro de 2002 - 31 de decembro de 2012) Justin Welby (4 de febreiro de 2013 - actualidade) Véxase tamén Páxina web oficial
Canterbury Categoría:Divisións territoriais da Igrexa de Inglaterra Categoría:Dioceses