Walter Kasper, nado en Heidenheim an der Brenz (Baden-Württemberg) o 5 de marzo de 1933, e un cardeal alemán, presidente do Consello Pontificio para Promover a Unidade dos Cristiáns entre 2001 e 2010.
Traxectoria Foi ordenado sacerdote da diocese de Rottenburg o 6 de abril de 1957 polo seu bispo, Carl Joseph Leiprecht.
O 17 de abril de 1989 foi nomeado bispo de Rottenburg-Stuttgart. Recibiu a ordenación episcopal o 17 de xuño, de mans do arcebispo de Friburgo Oskar Saier.
O 16 de marzo de 1999 foi nomeado secretario do Consello Pontificio para Promover a Unidade dos Cristiáns, deixando o 31 de maio a súa diocese e marchando a Roma.
O 21 de febreiro de 2001 o papa Xoán Paulo II creouno cardeal co título de Cardeal-Diácono de Ognissanti in Via Appia Nuova, e o 3 de marzo pasou a presidir o devandito consello pontificio. O 1 de xullo de 2010 retirouse como presidente emérito, e aos poucos meses foi elevado ao rango de Cardeal-Presbítero.
Notas
Categoría:Bispos católicos de Alemaña Categoría:Cardeais de Alemaña Categoría:Cardeais creados por Xoán Paulo II Categoría:Nados en 1933 Categoría:Nados en Heidenheim an der Brenz Categoría:Doutores honoris causa pola Universidade Babeș-Bolyai Categoría:Doutores honoris causa pola Universidade Católica de América Categoría:Bispos da Igrexa católica latina Categoría:Membros da Congregación para as Igrexas Orientais